လက်ဝဲယိမ်း သူပုန်အဖွဲ့ ELN မှ တိုက်ခိုက် လာနိုင်ခြေရှိသဖြင့် ကိုလံဘီယာက စစ်တပ်ကို တပ်လှန့်ထား

လက်ဝဲယိမ်း ပြောက်ကျားသူပုန်အဖွဲ့ ELN ဘက်ကနေ တိုက်ခိုက်မှုတွေ လုပ်လာနိုင်ခြေ ရှိနေတဲ့အတွက် စစ်တပ်ကို အသင့်အနေအထား ရှိနေဖို့ တပ်လှန့်ထားရကြောင်း ကိုလံဘီယာ အစိုးရက ပြောပါတယ်။ELN သူပုန်အဖွဲ့ဘက်က နိုင်ငံတစ်ဝန်း သုံးရက်ကြာ လက်နက်ကိုင် တိုက်ခိုက်မှုလုပ်မယ်လို့ ကြေညာချက်တစ်ခု ထုတ်ထားခဲ့တဲ့အတွက် စစ်တပ်ကို အမြင့်ဆုံးအဆင့် တပ်လှန့်ထားရတယ်လို့ ကိုလံဘီယာ ကာကွယ်ရေးဝန်ကြီး ကာလို့စ် ဟုမ်းစ် ထရူဂျီလို က ပြောပါတယ်။

ဖေဖော်ဝါရီ ၁၄ ရက်ကစလို့ နိုင်ငံနယ်နမိတ်ထဲမှာ ၇၂ နာရီကြာ တိုက်ခိုက်မှုတွေလုပ်မယ်လို့ ELN တပ်မှူး ယူရီရယ်က ဆိုရှယ်မီဒီယာကနေတဆင့် ကြေညာထားခဲ့တယ်လို့ ဆိုပါတယ်။

ELN ကတော့ ကိုလံဘီယာမှာ အာဏာပိုင်တွေကို တိုက်ခိုက်နေဆဲဖြစ်တဲ့ နောက်ဆုံးလက်ကျန် ပြောက်ကျားသူပုန်လှုပ်ရှားမှု အဖွဲ့တစ်ခုဖြစ်ပါတယ်။လက်ရှိအချိန်မှာ ယင်း ELN အဖွဲ့မှာ တပ်ဖွဲ့ဝင်အင်အား ၂,၃၀၀ လောက် ရှိနေတယ်လို့လည်း ခန့်မှန်းရပါတယ်။

“ ပြည်သူတွေကို ကာကွယ်ပေးဖို့အတွက် လိုအပ်သလို လုပ်ဆောင်ဖို့ တစ်နိုင်ငံလုံးက တပ်ဖွဲ့ဝင်တွေကို တပ်လှန့်ထားပါတယ်” လို့ ကိုလံဘီယာ ကာကွယ်ရေးဝန်ကြီးက ပြောသွားပါတယ်။

ELN အဖွဲ့ကတော့ ဒီလို ကြေညာချက်မျိုးတွေကို ယခင်ကလည်း ကြေညာခဲ့ဖူးပြီး တစ်ကြိမ်တစ်ခါမှတော့ တစ်နိုင်ငံလုံးအတိုင်းအတာ တိုက်ခိုက်မှုတွေကို ကျူးလွန်ထားခဲ့ဖူးခြင်း မရှိသေးဘူးလို့ သိရပါတယ်။

ref:mizzima

Add a Comment

Your email address will not be published. Required fields are marked *