ကိုရိုနာ ဗိုင်းရပ်စ် ကူးစက်စေတယ်လို့ ယူဆကြသည့်လင်းနို့ များကို အင်ဒိုနီးရှားတွင် အထူးဟင်းလျာအဖြစ် နှစ်သက်စွာစားနေဆဲ

တရုတ်နိုင်ငံ ဟူပေးပြည်နယ် ဝူဟန်မြို့ မှ စတင်ဖြစ် ပွားခဲ့တဲ့ Corona virusမှာ လင်းနို့ များထံမှ စတင် ကူးစက်ခြင်းဖြစ်နိုင်သည်ဟု ပညာရှင်များကယူဆကြ သော်လည်း အင်ဒိုနီးရှားနိုင်ငံတွင်မူ လင်းနို့ များကို အထူးဟင်းလျာအဖြစ် လက်ရှိအချိန်အထိ စားသုံးနေကြဆဲဖြစ်ကြောင်း South China Morning Post မှဖော်ပြခဲ့သည်။လင်းနို့ ဟင်းလျာမှာ အင်ဒိုနီးရှားရှိ အချို့ သောဒေသများတွင် ထင်ရှား ရေပန်းစားနေဆဲဖြစ်သည်။ လင်းနို့ ဟင်းလျာက ရင်ကျပ်ခြင်းကို ကုသရာတွင် အကူအညီဖြစ်စေနိုင်သည်ဟုလည်း ဒေသခံများက ယုံကြည်ကြသည်။ကိုရိုနာဗိုင်းရပ်စ်နှင့်ပတ်သက်၍ စိုးထိတ်မှုများရှိသော် လည်း လင်းနို့ ရောင်းချရမှု ကျဆင်းခြင်း မရှိကြောင်း လင်းနို့ ရောင်းချသူများက ပြောကြားသည်။

လင်းနို့ ရောင်းချသူတစ်ဦးဖြစ်သည့် စတန်လီ တင်မ် ဘူလန်က ” ဝယ်လိုအားကိုတော့ မထိခိုက်ပါဘူးဗျ။ ဝယ်သူတွေကလည်း ပြောတယ်လေ။ အဲ့ဒါက တရုတ်မှာပဲ ဖြစ်တာပါတဲ့။ တိုမိုဟွန် (ဆီလာဝေစီပြည်နယ်မှ မြို့ တစ်မြို့ )မှာ မဖြစ်ဘူးတဲ့။ ဒါကြောင့် ဆက် ရောင်းနေရတာပါပဲ။ ရောင်းချရမှုကို မထိခိုက်ပါဘူး။အမြဲတမ်းအကုန်ရောင်းရတယ်။ ဒီနေ့ လက်ရှိတောင် ရောင်းဖို့ လင်းနို့ မရှိသလောက် နည်းနေပြီ” ဟု ဆိုသည်။

လင်းနို့ များရောင်းချရမှုမှာ တစ်နေ့ နှင့်တစ်နေ့ မတူ ညီဘဲ ပျမ်းမျအားဖြင့် တစ်နေ့ လျှင် လင်းနို့ ကောင်ရေ ၅၀ မှ ၆၀ ခန့် ရောင်းချရလေ့ရှိပြီး ပါတီများရှိသည့်အခါမျိုးတွင် အကောင်ရေ ၅၀၀ မှ ၆၀၀ အထိ ရောင်းချရသည်ဟု လင်းနို့ ရောင်းချသူတစ်ဦးဖြစ်သည့် ဂျယ်ရီက ပြောကြားသည်။စားသောက်ဆိုင်များတွင် လင်းနို့ ဟင်းလျာက ဆာလောင်နေသည့် စားသုံးသူများကို အထူးဆွဲဆောင်နေဆဲဖြစ်သည့် ဟင်းလျာတစ်မျိုးဖြစ်နေသည်။

စားသုံးသူများကလည်း လုံးဝစိုးရိမ်ပူပန်မှု မရှိပေ။” မနာဒိုမှာ ဗိုင်းရပ်စ်ဖြစ်မယ်လို့  ကျွန်မကတော့ မယုံကြည်ဘူး။ လင်းနို့ တွေကို ဝယ်ယူစားသုံးသူ အရေအတွက်လည်း မထိခိုက်ပါဘူး” ဟု ဗီနာကာဆီဂါ အမည်ရစားသုံးသူ အမျိုးသမီးငယ်က ဆိုသည်။

ထို့ အတွက် လင်းနို့ ကိုစားသည့်အတွက် ကိုရိုနာဗိုင်းရပ်စ်ကို မကြောက်ဘူးလားဟု မေးမြန်းသည့်အခါတွင် မကြောက်ရွံ့ ကြောင်းနှင့် မည်သည့်နေရာတွင် နေမကောင်းဖြစ်စေမည် မဖြစ်စေမည်တို့ ကို ဘုရားသခင်ကသာ ဆုံးဖြတ်သည်ဟုလည်း သူမက ဆိုသည်။

လင်းနို့ များတွင် ကိုရိုနာဗိုင်းရပ်စ်ရှိကြသည်ဟု ပြောကြားမှုများ ရှိသော်လည်း မိမိတို့ မနာဒိုတွင် လင်းနို့ မှဖြစ်ပွားမှု တစ်စုံတရာကိုမတွေ့ ရသေးကြောင်းလည်း လင်းနို့ စားသုံးသူတစ်ဦးဖြစ်သည့် ဂျူဖရီမန်တက်ခ်က ဆိုသည်။ လက်ရှိအချိန်အထိလည်း လင်းနို့ များကို စားသုံးနေကြသူအများအပြားရှိကြောင်း လင်းနို့ ဟင်း လျာမှာအလွန်ကောင်းကြောင်း အထူးသဖြင့် အုန်းနို့ ဖြင့်ချက်ပါက အလွန်အရသာရှိသည်ဟုလည်း ဂျူဖရီမန်တက်ခ်က ပြောကြားခဲ့သည်။လင်းနို့ များက ကိုရိုနာဗိုင်းရပ်စ်ကို လက်ခံကောင်ဖြစ် နိုင်သည်ဆိုသည့်အချက်ကိုလည်း ကျွမ်းကျင်ပညာရှင် များက သံသယရှိနေကြသည်။

တိရိစ္ဆာန်များမှ ဖြစ်လာသည့်ရောဂါများနှင့်စိတ်ချရသည့် စားသောက်ကုန်များဆိုင်ရာ WHO ဌာနခွဲ၏ အကြီးအကဲဖြစ်သူ ဒေါက်တာပီတာဘန်အမ်ဘာရက်ခ် က” လင်းနို့ တွေမှာ ကိုရိုနာနဲ့  အလွန်ဆင်တူလွန်းတဲ့ဗိုင်းရပ်စ်တွေကို မကြာသေးခင်က တွေ့ ရှိခဲ့ပါတယ်။ ဒါကြောင့်လည်း ကိုရိုနာရဲ့ မူလအစဟာ လင်းနို့ တွေက စတင်လာတယ်ဆိုပြီး ကျွန်တော်တို့  ယုံကြည်ခဲ့ကြတာပါ။” ဟုဆိုသည်။

” ဒါပေမယ့် ဗိုင်းရပ်စ်က လင်းနို့ ကနေ လူတွေဆီကို တိုက်ရိုက်ကြီး ကူးစက်သွားတာတော့လည်း မဟုတ် ဘူး။ ဘာကြောင့်လည်းဆိုတော့ သာမန်အားဖြင့်လင်းနို့ တွေနဲ့ ထိတွေ့ မှု့ က အများကြီး မရှိကြဘူးလေ။ ဒီတော့ ကြားထဲမှာ တိရိစ္ဆာန်တစ်ကောင်တော့ ရှိနေနိုင်ပါတယ်။ ဒီအတွက် ဗိုင်းရပ်စ်က လင်းနို့ ဆီကနေ အဲ့ဒိတိရိစ္ဆာန်ဆီကို ပထမဆုံး ကူးမယ်။ အဲ့ဒိ တိရိစ္ဆာန်ကတစ်ဆင့် လူတွေဆီကို ပြန်ကူးမယ်။ ဖြစ် နိုင်ခြေရှိတဲ့အရင်းအမြစ်ကိုတော့ စိတ်ရှင်းရှင်းထားပြီး ကြည့်ဖို့ လိုတယ်။ ဘာဖြစ်လာနိုင်တယ်ဆိုတာကိုလည်း ပွင့်ပွင့်လင်းလင်းစဉ်းစားဆင်ခြင်ဖို့ လိုတယ် ” ဟု ဒေါက်တာပီတာဘန်အမ်ဘာရက်ခ်က ဆိုသည်။