ဗစ်တိုးရီးယားအမှုတွင် ပြုကျင့်ခဲ့သည့် တရားခံမဖော်ထုတ်ဘဲ ပျောက်နေသည်မှာ ရဲတပ်ဖွဲ့တွင် တာဝန်ရှိကြောင်း လွှတ်တော်ကော်မတီပြောဆို

ဗစ်တိုးရီးယားအမှုနှင့် ပတ်သက်ပြီး သံသယတရားခံအဖြစ် ကိုအောင်ကြီးကို စွဲချက်တင်ခဲ့ သော်လည်း ပြီးခဲ့သည့် ၂၀၁၉ ခုနှစ်၊ ဒီဇင်ဘာလ ၁၈ ရက်ကပြုလုပ်သည့် ၁၃ ကြိမ်မြောက်ရုံးချိန်းအပြီးတွင် နေပြည်တော်၊ ဒက္ခိဏခရိုင်တရားရုံးက တရားရှင်လွှတ် ပေးခဲ့ခြင်း ဖြစ်သည်။

သံသယတရားခံ ကိုအောင်ကြီးကို တရားရှင်အဖြစ် လွှတ်ပေးလိုက်ခြင်းကို မကျေနပ်ပါက သက်ဆိုင်သူများအနေဖြင့် အဆင့်မြင့် တရားရုံးသို့ တက်ရောက်နိုင်ကြောင်း၊ စွတ်စွဲခံရသူ အောင်ကြီးကို စွဲချက်တင်နိုင်သည့် အထောက်အထားသက်သေ တစ်စုံတစ် ရာ မတွေ့သောကြောင့် ရာဇဝတ် ကျင့်ထုံးဥပဒေ ၂၅၃(၂)အရ စွဲချက်မတင်ဘဲ လွှတ်ခဲ့ပေးခဲ့ခြင်း ဖြစ်ကြောင်း သိရသည်။

မူ ကြိုကျောင်း အတွင်း လိင်ပိုင်းဆိုင်ရာ မဖွယ်မရာပြုကျင့်ခံရသည့် ကလေးငယ် ဗစ်တိုးရီးယား အမှုတွင် တရားခံပျောက်စရာ အကြောင်း မရှိဘဲ ပျောက်နေခြင်းဖြစ်ကြောင်း ပြည်သူ့ လွှတ်တော် တရားစီရင်ရေးနှင့် ဥပဒေရေးရာ ကော်မတီ မှ ဥက္ကဋ္ဌ ဦးတင် ထွေးက ဖေဖော်ဝါရီ (၂၀) ရက် က ပြော သည် ။

ဗစ်တိုးရီးယား အမှုတွင် တရားခံပျောက်စရာ အကြောင်းမရှိဘဲ ပျောက်နေသည့် ကိစ္စ ရဲတပ်ဖွဲ့တွင် တာဝန်ရှိ
“ ဒီအမှုမျိုးက တရားခံပျောက်စရာအကြောင်းမရှိဘူး ။ ပျောက်စရာ အကြောင်းမရှိဘူး ။ ဘာဖြစ်လို့လဲဆိုတော့ သူ့ရဲ့ ဆေးစာအရ ရော၊ အခြားသက်သေခံ အထောက်အထားတွေအရရော တကယ်ကျူးလွန်းခြင်းခံရတယ်ဆိုတာ ပေါ်နေတယ်။ ရှာလို့ရနိုင်တဲ့ အ ထောက် အထားလေးတွေ တွေ့ပါလျှက်နဲ့ တရားခံအစစ်ကို မဖော်ထုတ် နိုင်ဘူးဆိုတာက ဖော်ထုတ်တဲ့ သူတွေက တာဝန်ပေါ့ လျော့မှုပဲ။

ဖြစ်ရပ်မှန်အပေါ်မှာ ဘာဖြစ်လို့ ဒီလမ်းတွေ နဲ့ သွယ်ပတ်ပြီးတော့မှ ဖြစ်ရပ်မှန်ကို မဖော်ထုတ်နိုင်သလဲ ဆိုတဲ့ဟာက ဒါကဒီအမှုမှာ စစ်ဆေးတဲ့၊ အမှုကို တာဝန်ယူပြီး စစ်တဲ့အဖွဲ့အစည်းအပေါ်မှာ အများကြီး တာဝန်ရှိတယ်။ စစ်ဆေး တဲ့ တရားသူ ကြီးမှာ တာဝန်မရှိဘူး၊ ဥပဒေအရာရှိမှာ တာဝန်မရှိဘူး။ သို့သော် ရဲတပ်ဖွဲ့မှာတော့ အများကြီး တာဝန်ရှိတယ်”ဟု ၎င်းက ဆို သည် ။