ရန်ကုန်သို့ လာရောက်လည်ပတ်ခဲ့သည့် ကိုရီးယားနိုင်ငံသူ တွင် ကိုရိုနာဗိုင်းရပ်စ်ပိုးတွေ့ရှိသဖြင့် ၄င်း အမျိုးသမီးနှင့် ထိတွေ့ဖူးသည့် လူ (၂၀) ကျော်ကို စောင့်ကြည့်နေ

ရန်ကုန်မြို့သို့ တပတ်ကြာ လာရောက် လည်ပတ်ခဲ့သည့် ကိုရီးယားနိုင်ငံသူ တစ်ဦးတွင် ကိုရိုနာဗိုင်းရပ်စ်ပိုး တွေ့ရှိသဖြင့် အဆိုပါ အမျိုးသမီးနှင့် ထိတွေ့ဖူးသည့် လူ (၂၀) ကျော် ကို စောင့်ကြည့်နေကြောင်း ကျန်းမာရေးနှင့် အားကစားဝန်ကြီးဌာနမှ သတင်း ထုတ်ပြန်ထားသည်။အဆိုပါ ကိုရီးယားနိုင်ငံသူမှာ ရန်ကုန်မြို့ တွင် ဖေဖော်ဝါရီ ၁၃ ရက်မှ ၂၀ ရက်အထိ လာရောက်လည် ပတ်ခဲ့ခြင်းဖြစ်ပြီး ဖေဖော်ဝါရီ ၂၃ ရက်က ကိုရီးယားနိုင်ငံတွင် ဓာတ်ခွဲစစ်ဆေးချက်အဖြေအရ COVID-19 ဓာတ်ခွဲ အတည်ပြုလူနာအဖြစ် စောင့်ကြပ်ကြည့်ရှု ကုသမှုခံယူလျက်ရှိကြောင်း ဝန်ကြီးဌာနက ထုတ်ပြန်သည်။

ယင်းကြောင့် အဆိုပါအမျိုးသမီးနှင့် အနီးကပ်ထိတွေ့နေထိုင်ခဲ့သူ ခုနစ်ဦးနှင့် ၎င်း တို့၏ မိသားစုဝင် ၁၅ ဦး၊ စုစုပေါင်း ၂၂ ဦး အား စုံစမ်းရှာဖွေ၍ ကျန်းမာရေးအခြေအနေ စစ်ဆေးမေးမြန်းခဲ့ရာ ၎င်းတို့အားလုံး၏ ကျန်းမာရေးအခြေအနေမှာ ကောင်းမွန်လျက်ရှိပြီး လတ်တလောအားဖြင့် COVID-19 ရောဂါ သံသယလက္ခဏာများ ဖြစ်ပွားမှုမရှိကြောင်း တွေ့ရှိခဲ့ရသည်ဟု ဝန်ကြီးဌာနက ထုတ်ပြန်ချက်တွင် ရေးသားထားသည်။

အဆိုပါဓာတ်ခွဲအတည်ပြုလူနာ အမျိုးသမီးနှင့် အနီးကပ်ထိတွေ့သူများ၊ ၎င်းတို့၏ မိသားစုဝင်များအား COVID-19 ရောဂါကူး စက်ဖြစ်ပွားပုံနှင့် ရောဂါလက္ခဏာများနှင့် ပတ်သက်၍ ကျန်းမာရေးအသိပညာပေး၍ ရောဂါလက္ခဏာတစ်စုံတစ်ရာပေါ်ပေါက်လာပါက ကျန်းမာရေးဌာနသို့ ချက်ချင်း သတင်း ပေးပို့ရန်နှင့် နေအိမ်တွင် အသွားအလာ တားမြစ်ပိတ်ပင်ခြင်း၊ ကန့်သတ်ခြင်း (Home Quarantine) နေထိုင်စဉ် လိုက်နာရမည့် အချက်များအား တိကျစွာလိုက်နာရန် အသိပေးပြောကြားခဲ့ကြောင်း၊ သက်ဆိုင်ရာ မြို့နယ် ပြည်သူ့ကျန်းမာရေးဦးစီးဌာန၊ ကျန်းမာရေး ဝန်ထမ်းများက ၎င်းင်းတို့အား နေအိမ်တွင် သီးခြားထားရှိ၍ ရောဂါစောင့်ကြပ်ကြည့်ရှုခြင်း လုပ်ငန်းများကို လုပ်ငန်းလမ်းညွှန်များ နှင့်အညီ နေ့စဉ်ဆောင်ရွက်သွားမည်ဖြစ်ပြီး လူနာ နှင့် ၎င်းတို့အသီးသီး နောက်ဆုံးတွေ့ဆုံခဲ့သည့် ရက်မှ ၁၄ ရက်ပြည့်သည်အထိ ဆက်လက် စောင့်ကြပ်ကြည့်ရှုမည်ဟု ကျန်းမာရေးနှင့် အားကစားဝန်ကြီးဌာနက သတင်းထုတ်ပြန် သည်။

ဖေဖော်ဝါရီ ၂၄ ရက်ည ၈ နာရီအထိ သတင်းအချက်အလက်များအရ Coronavirus Diease ၂၀၁၉ (COVID-19) ရောဂါနှင့်ပတ်သက်၍ စောင့်ကြည့်လူနာအဖြစ် သတ်မှတ် ကုသသည့် လူနာသစ်မရှိကြောင်း၊ ဆေးရုံဆင်း ခွင့်သတ်မှတ်ချက်များအရ တိုင်းဒေသကြီး။ ပြည်နယ်အသီးသီးရှိ ဆေးရုံများတွင် COVID-19 ရောဂါပိုး မတွေ့ရှိ ရသော်လည်း ၄၈ နာရီဆက်လက်စောင့်ကြပ်ကြည့်ရှုမှုခံယူနေသည့် စောင့်ကြည့်လူနာ လေးဦးရှိပြီး ၎င်း တို့၏ကျန်းမာရေးအခြေအနေမှာ ကောင်းမွန်လျက်ရှိကြောင်း ဝန်ကြီးဌာနက ဆက်လက် ထုတ်ပြန်သည်။

တရုတ်နိုင်ငံအပါအဝင် ကမ္ဘာ့နိုင်ငံ ၂၉ နိုင်ငံတွင် COVID-19 ရောဂါ ကူးစက်ဖြစ်ပွား လျက်ရှိသဖြင့် ဓာတ်ခွဲအတည်ပြုလူနာ/ သံသယလူနာနှင့်ထိတွေ့မှုရှိခဲ့ပါက မိမိကိုယ် တိုင် ကျန်းမာရေးဌာနသို့ ချက်ချင်းဆက်သွယ် သတင်းပေးပို့ရန် ဝန်ကြီးဌာနကနှိုးဆော်သည်။

ref:Eleven Media