ပဲခူးတိုင်း တောင်ငူမြို့ တွင် ပရိဘောဂ ပစ္စည်းဆိုင် မီးလောင်မှုဖြစ်ပွား၊ အထူးကုဆေးခန်း (ပြင်ပလူနာဌာန) အဆောက်အအုံပါ မီးကူးစက် လောင်ကျွမ်းမှုဖြစ်ပွား

ပဲခူးတိုင်း ဒေသကြီး တောင်ငူမြို့ တွင် ဖေဖော် ဝါရီ (၂၇) ရက် နံနက်အစောပိုင်း က ပရိဘောဂ ပစ္စည်းအရောင်းဆိုင် တစ်ဆိုင် ရှိ အင်တာနက် ၀ိုင်ဖိုင် ပလတ်ခုံ အပူလွန်ကဲ၍ မီးလောင်ကျွမ်း ခဲ့ရာမှ ပရိဘောဂ ဆိုင်နှင့် အထူး ကုဆေးခန်း (ပြင်ပလူနာဌာန)တို့ အား မီးကူးစက်လောင် ကျွမ်းမှုဖြစ် ပွားခဲ့ကြောင်း တောင်ငူ ခရိုင် မီးသတ်ဦးစီးဌာန မှသိရသည်။

မီးလောင် ကျွမ်းစတင်ဖြစ်ပွားခဲ့သည့် အခြေအနေနှင့်ပတ်သက်ပြီး တောင်ငူခရိုင် မီးသတ်ဦးစီးမှူး၊ (လက်ထောက်ညွှန်ကြား ရေးမှူး) ဦးမြင့်နိုင် ထွန်းက “ဖြစ်နိုင် တဲ့ ကော့စ်က ဘာပဲရှိလဲဆိုတော့ သူတို့သည်အမြဲတမ်း ၂၄ နာရီ အွန်ထားတဲ့ ၀ိုင်ဖိုင်လေးရှိတယ်၊ အဲဒီမှာ ခြင်ဆေးခွေလည်း သူတို့ က လုံးဝထွန်းတာ တို့ ဖယောင်းတိုင်တို့ထွန်းဖို့ လည်း မီးပျက်တာဆို တာမရှိဘူး။ ဒီပြင် Electrical Fire ဖြစ်နိုင် တဲ့ Source တွေ ဘာမှမရှိဘူး၊ နောက်ပြီးချက်ပြုတ်စားသောက်တဲ့နေရာလည်း မဟုတ်ဘူး။ လူအိပ်တဲ့နေရာလည်း မဟုတ်ဘူး။ အဲ ဒီတော့ အဲဒီမှာဖြစ်နိုင်တဲ့ ကော့စ်ကိုကြည့်ရင် တီဗွီရယ်၊ ပန်ကာရယ်၊ မီးခလုတ်ရယ် ဒီ Accessory လေးပဲ ရှိတယ်၊ ပြန် ပြီးစဉ်း စားကြည့်တော့မှ ပန်ကာသည် ဆောင်းတွင်းဖြစ်တဲ့အတွက် မဖွင့်ဘူးသူတို့မှာ၊ တီဗွီသည် သူတို့အိပ်တာဖြစ်တဲ့အတွက် အိပ်တာနဲ့ တန်းဖြုတ် တယ် ပလတ်ဖြုတ်တယ်တဲ့ ဒီတော့ ထွက်ချက်များအရ ဖြစ်နိုင်တာသည် ခုနကပြောတဲ့ ၂၄ နာရီ အွန်ထားတဲ့ ဒီဝိုင်ဖိုင်စက်ရဲ့ ပလတ် ခုံ သည် Charging လို့ခေါ်တဲ့ ဒီအပေါက်ချောင်ပြီး ဖျစ်ဖျစ်ဆိုပြီး အဲဒီလိုထွက်နေတဲ့အချိန်မှာ အပူသည် တိုင်းတာလို့မရဘူး၊ သူ့သတ်မှတ် တဲ့အပူကိုရောက်ပြီဆိုတာနဲ့ ဒီခလုတ်ကိုလောင်နိုင်တဲ့ အခြေအနေသည် အဲဒီတစ်ခုပဲရှိတယ်” ဟု ပြောကြားသည်။

ဖြစ်စဉ် မှာ ဖေဖော်ဝါရီ ၂၇ ရက် နံနက် ၁ နာရီခွဲခန့်၌ တောင်ငူမြို့အမှတ် ၁၉ ရပ် ကွက်၊ ရန်ကုန်-မန္တလေးလမ်းမဟောင်း နဘေးရှိ ဆည်း ဆာ ပရိဘောဂအရောင်း ဆိုင် (နှစ်ထပ်တိုက်အိမ်)တွင် ထားရှိသော အင်တာနက် ၀ိုင်ဖိုင်စက်ပလပ်ခုံမှ အပူလွန်ကဲ၍ မီးလောင်ကျွမ်းမှုစ တင်ဖြစ်ပွား ခဲ့ရာ အရောင်းဆိုင်အား မီးလောင်ကျွမ်းခဲ့ပြီးနောက် ဆိုင်၏တောင်ဘက်ဘေး ကပ်လျက်အဆောက်အအုံဖြစ်သော သောသီခို အထူးကု ဆေးခန်း (ပြင်ပလူနာဌာန) အဆောက်အအုံ အပေါ်ထပ်တို့အား မီးကူးစက်လောင်ကျွမ်းခဲ့ခြင်းဖြစ်ကြောင်း သိရသည် ။

မီးငြှိမ်း သတ်ခဲ့ရ သည့် အခြေအနေနှင့် ပတ် သက် ပြီး “ဒီနေ့ မနက် (၁) နာရီ (၅၅) မိ နစ် လောက်မှာ ဆိုင်ကယ်နဲ့လူတစ်ယောက်က သတင်းလာပို့တယ်။ ပို့တာနဲ့ ကျွန်တော်ဦးဆောင်ပြီးတော့ တပ်ဖွဲ့ဝင် ၅၀ နဲ့ပေါ့နော်၊ မီးငြှိမ်းသတ်ယာဉ် ရှစ်စီး၊ ရေသယ်ယာဉ် ငါးစီးပေါ့။ နောက်ပြီး မြို့က ပရဟိတအဖွဲ့တွေရော အားလုံးဝိုင်းဝန်းပြီး အခင်းဖြစ်တဲ့နေရာကိုသွားပြီး မီးငြှိမ်းတယ်။ မီးငြှိမ်းတဲ့နေရာမှာ စရောက်ရောက်ချင်းပဲ ဒီပရိဘောဂလုပ်တဲ့ အိမ်ရဲ့အနောက်ခြမ်းမှာ စပြီးတော့လောင်တာပေါ့နော်။

အဲဒါကို စပြီးငြှိမ်းတယ်။ ငြှိမ်းတဲ့ နေရာမှာ အောက်မှာ သူက ပရိဘောဂပစ္စည်းတွေနဲ့လောင်စာဆွဲအားကောင်းတဲ့ အိမ်သုတ်ဆေးတွေ၊ ပေါ်လစ်တွေပေါ့။ ဒီပစ္စည်းတွေက နေမီးကိုအရှိန်အဟုန်နဲ့ဖြစ်တည်ပြီးတာနဲ့ အရှေ့ကို အိမ်ရှေ့တံခါးမကြီးကိုထွက်လောင်တယ်ပေါ့။ ပြီးတော့ တစ်ဖက်ကသောသီခိုအပေါ်ထပ်ကို ကူးသွားတဲ့အနေအထားပါ၊ ကျွန်တော်တို့အားလုံး တောင်ငူရဲ့အနေအထားနဲ့ ပြည်သူတွေနဲ့ဌာနဆိုင်ရာတွေက ၀ိုင်းဝန်းပြီး ဆောင်ရွက်ပေးတဲ့အတွက် ဒီမီးကို ဒီလောက်နဲ့ပဲထိန်းသိမ်းနိုင်ခဲ့ပါတယ်” ဟု တောင်ငူခရိုင်မီးသတ်ဦးစီးမှူး ဦးမြင့်နိုင်ထွန်းက ဆက်လက်ရှင်းပြသည်။

မီးလောင်ကျွမ်းမှုဖြစ်ပွားရာသို့ တောင်ငူမြို့နယ်ရဲတပ်ဖွဲ့မှ ရဲမှူးဌေးဝင်းဦးဆောင်သော တပ်ဖွဲ့ဝင်များ၊ တောင်ငူခရိုင် မီးသတ်ဦးစီးဌာနမှ ခရိုင်ဦးစီးမှူးမြင့်နိုင်ထွန်းနှင့် မီးသတ်တပ်ဖွဲ့ဝင်များ၊ ယာဉ်ထိန်းရဲတပ်ဖွဲ့ဝင်များ၊ မြို့ခံလူမှုကူညီရေး၊ ပရဟိတအသင်းအဖွဲ့များနှင့် မြို့ခံပြည်သူများက ၀ိုင်းဝန်းကူညီငြှိမ်းသတ်ခဲ့ကြရာ မီးလောင်ကျွမ်းချိန်တစ် နာရီခန့်အကြာ နံနက် ၂ နာရီခွဲတွင် မီးညွန့်ကျိုးကျသည်အထိ မီးငြှိမ်းသတ်နိုင်ခဲ့ကြောင်း၊ မီးလောင်ကျွမ်းမှုကြောင့် ဆည်းဆာပရိဘောဂ ပစ္စည်းအရောင်းဆိုင်၏အပေါ်ထပ်၊ အောက်ထပ်နှင့် သောသီခိုအထူး ကုဆေးခန်း (ပြင်ပလူနာဌာန) အဆောက်အအုံအပေါ်ထပ်တို့ မီးလောင်ကျွမ်းပျက်စီးဆုံးရှုံးမှုဖြစ်ပွာခဲ့ပြီး လူနှင့်တိရစ္ဆာန်များကို ထိခိုက်ဒဏ်ရာရရှိခြင်း မရှိကြောင်း၊ မီးငြှိမ်းသတ်ရာတွင် မီးသတ်ရေယာဉ် ရှစ်စီး၊ ရေသယ်ယာဉ် ငါးစီးနှင့် မီးသတ်တပ်ဖွဲ့ဝင် အင်အား ၅၀ ခန့်တို့ဖြင့် အသုံးပြု ငြှိမ်းသတ်ခဲ့ရပြီး နံနက် ၅ နာရီခန့်တွင် ရှင်းလင်းပြီးစီးခဲ့ကြောင်း တောင်ငူခရိုင်မီးသတ် ဦးစီးဌာနမှ သိရသည်။

အဆိုပါ မီးလောင် ကျွမ်းမှုဖြစ်စဉ်နှင့် ပတ်သက်ပြီး မီးစတင်လောင်ကျွမ်းသည့် ဆည်းဆာပရိဘောဂဆိုင်ပိုင်ရှင် ဒေါ်ကျော့ကျော့ဝင်းအား တောင်ငူ မြို့မရဲစခန်းတွင် အမှုဖွင့်တိုင်တန်းသဖြင့် (ပ) ၁၇၆/ ၂၀၂၀၊ ရာဇသတ်ကြီးပုဒ်မ ၂၈၅ ဖြင့် အမှုဖွင့် အရေးယူဆောင်ရွက်ထားကြောင်း သိရသည်။

crd:Eleven media