သူငယ်တန်းပဲ ရှိသေးပေ မယ့် ကိုယ့်အား ကိုယ်ကိုး တဲ့ ချစ်စရာ သားသားလေး ( အရမ်း ချီးကျူးဖို့ ကောင်း ပါတယ် )

ကျွန်တော် တို့ နိုင်ငံ ရဲ့ မိဘ အတော်များများ ဟာ သားသမီး ကို အရမ်း ချစ်ကြ ပါတယ် ။ ချစ်တာ နဲ့ အတူ သားသမီး ကို ဘာမှ ခိုင်းလေ့ မရှိကြပါဘူး။ အဖိုးတွေ အဖွားတွေ၊ ဦးလေတွေ အဒေါ်တွေ နဲ့ အတူ ကြီးပြင်းလာ တဲ့ ကလေးတွေ ဆို ပို သိ သာ ပါ တယ်။

ကလေးကို တခြား အလုပ်ခိုင်းဖို့ မပြောနဲ့ ကလေး မဖြစ်မနေ လုပ်ရမယ့် အလုပ်တွေ ကိုပါ သူတို့က ဝိုင်းလုပ်ပေးကြတာပါ။ ထမင်းစားရင်လည်း ခွံ့ကျွေးတဲ့အပြင် ကလေး လျှောက်ပြေးတဲ့နောက် ထမင်းပန်းကန်ကိုင်ပြီး ကျွေးလေ့ ရှိပါတယ်။ အင်္ကျီဝတ်တာ က အစ အားလုံးပဲ မိဘ အဘိုး အဘွားတွေ က လုပ်ပေးကြ ပါတယ်။

အဲဒီကလေးတွေ အသက်ကြီးလာတော့ အလုပ်ကို တာဝန်ယူလေ့ မရှိတဲ့သူ၊ စကားမပြောရဲတဲ့သူ၊ လူတော မတိုးတဲ့သူ၊ သူတပါးကို မှီခိုတတ်တဲ့သူမျိုးတွေ ဖြစ်ကုန်ကြပါတယ်။

အဲဒီလို မိဘအလိုလိုက်တဲ့ ကလေးတွေ တဖြည်းဖြည်းများပြားလာတဲ့ ဒီလိုခေတ်ကြီးထဲမှာ ကိုယ့်အားကိုယ်ကိုး တတ်ပြီး အရမ်းချီးကျူးဖို့ ကောင်းတဲ့ ကလေးလေး တယောက်အကြောင်းကို ဖော်ပြချင်ပါတယ်။ မူရင်းပို့စ်ကို အောက်မှာ ဖော်ပြထားပါတယ်-

“နေ့တိုင်းထမင်းစား ဆင်းချိန်မှာ ကိုယ့်အတန်းရှေ့ သစ်ပင်ရိပ်အောက်မှာ ထမင်းလာစားတတ်တဲ့ Kg သူငယ်တန်းက သားသားလေး အခြားသောမိဘတွေ သူတို့ကလေးကို လာကျွေး ကြတာ တွေ့ပေမယ့် သူကတော့ကိုယ့်အား ကိုယ်ကိုးနေတတ်ပြီ သားဘယ်အတန်းကလဲ မေးတော့ Kg ပါတဲ့။

ဘာဟင်းလဲသားသားဆိုတော့ကြက်ဥကြော်ပါ တဲ့ ချိုင့်လေးချပြီး မုန့်တွေထိုင်စားနေလို့ သားသားရေ ထမင်းအရင်စားရတယ် ပြီးမှမုန့်စားနော် ဆိုတော့ ဟုတ်ကဲ့တဲ့ ကျမအလွန်သဘောကျ မိတယ် ဒါမှကလေးဟာ ကိုယ့်အားကိုယ်ကိုး တဲ့စိတ်ဓါတ် ထက်မြက်ရဲရင့်တဲ့ စိတ်ဓါတ်တွေရင့်သန် လာမှာပါ သိပ်ချစ်စရာကောင်းတဲ့ သားသားလေး”

ဒီကလေးလေးရဲ့ မိဘတွေကိုကျနော်လေးစားတယ်၊ အခက်အခဲအမျိုးမျိုးကြောင့် ကိုယ့်ကလေးကိုလိုက်မကြည့်နိုင်ပဲ ထမင်းချိုင့်တစ်လုံးနဲ့ ကျောင်းလွှတ်လိုက်တဲ့ သတ္တိကိုလည်း ချီးကျုးတယ်။

ဒီနေရာမှာ ငါ့သားလေး သူစိမ်းတွေကြားမှာ မျက်နှာငယ်မှာစိုးလို့ဆိုတဲ့ တလွဲအတွေးတွေ ဝင်နေရင် ဒီကလေးရင့်ကျက်မလာတော့ဘူး၊ လူတောမတိုးရဲတော့ဘူး၊ KG တန်းမှာ နှစ်ဆင့်ချိုင့်ကို ကိုယ့်ဘာသာကိုဖွင့်ပြီး စားတတ်နေပြီဆိုတာ သူအတွက် ကြီးမားသောအောင်မြင်မှုပါ…

ရင့်ကျက်မှုဆိုတာ အသက်အရွယ်အပေါ်မှာ မူမတည်ဘူး၊ ကြုံလာတဲ့ လောကဓံနဲ့ပဲသက်ဆိုင်ပါတယ်။

Daw Thin Thin Lai, Pyae Phyo Lin