ရခိုင်ပါတီ အမတ်ရဲ့ ဆွေးနွေးချက် အချို့အား ပယ်ဖျက်ပေးဖို့ တပ်မတော်သား ကိုယ်စားလှယ်နဲ့ ဒီချုပ်အမတ်တို့ တောင်းဆို

သည်ကနေ့ ဖွဲ့စည်း ပုံပြင်ဆင်ရေး ဥပဒေမူကြမ်းတွေ နဲ့ပတ်သက်ပြီး ရခိုင် အမျိုးသားပါတီ မှ ပြည်သူ့ လွှတ်တော်ကိုယ်စားလှယ် ဒေါ်ခင်စောဝေ ရဲ့ ဆွေးနွေးချက် အချို့အပေါ် တပ်မတော်သား လွှတ်တော် ကိုယ်စားလှယ် နဲ့ ဒီချုပ်အမတ်တို့က ပယ်ဖျက်ပေးဖို့ ပြည်ထောင်စု လွှတ်တော် နာယက ထံ တင်ပြတောင်း ဆိုခဲ့ကြပါတယ် ။

တပ်မတော် သား ကိုယ်စားလှယ် ဒုတိယဗိုလ်မှူးကြီး မျိုးထက်ဝင်းက ရခိုင် အမတ် ဒေါ်ခင်စောဝေရဲ့ ဆွေးနွေးချက်ထဲမှာ ပါရှိတဲ့ ဖွဲ့စည်းပုံ ပြင်ဆင်ရေး မှာ တပ်မတော်သားလွှတ်တော်ကိုယ်စားလှယ်တွေက မထောက်ခံရင်၊ မပြင်ချင်ရင် ဘယ်လိုမှ ပြင်လို့မရဘူး ဆိုတဲ့ ဆွေးနွေးချက်ကို ပယ်ဖျက်ပေးဖို့ နာယကထံ တင်ပြပါတယ်။

ဒုတိယ ဗိုလ်မှူး ကြီး မျိုးထက်ဝင်းက”ကျွန်တော်တို့ တပ်မတော်သား ၂၅ ရာခိုင်နှုန်း က ပြင်ချင်ပေမယ့်လည်း ကျန်တဲ့အဖွဲ့တွေ ပြင်ချင် မှပြင်လို့ရတြာ ဖစ်ပါတယ်။ဒါကိုလည်း လွှတ်တော်ကိုယ်စားလှယ်ကြီးများက နားလည်ပြီးသားဖြစ်ပါတယ်။ ဒါကြောင့် ဒီစကားရပ်ဟာ အဖွဲ့တစ်ဖွဲ့ အပေါ်မှာအထင်အမြင်လွဲမှားစေပြီး တစ်ဖွဲ့နဲ့တစ်ဖွဲ့ ယုံကြည်မှု ချစ်ခင်လေးစားမှုကိုထိခိုက်စေတာဖြစ်စေတဲ့ အတွက် ဒီစာသား ကို ပယ်ဖျယ်ပေးပါရန်တင်ပြအပ်ပါတယ်”လို့ပြောပါတယ်။

ဒါ့အပြင် ဒေါ်ခင်စောဝေရဲ့ ဆွေးနွေးမှုထဲမှာ “၄င်းတို့ပါတီအနေနဲ့ အချက်ပေါင်း ၅၀၀ ကျော် တင်သွင်းတဲ့အထဲမှာ ၁၁၄ ချက်သာ ပါဝင်တယ်။ပါလာတဲ့ ၁၁၄ ချက်ကလည်း NLD ပါတီက တင်သွင်းထားတဲ့ ကိစ္စရပ်များသာဖြစ်တယ်။အဲဒီအတွက် တိုင်းရင်းသားတွေကို အလေးမထားတာလား၊ပြည်ထောင်စုတည်ဆောက်ချင်တယ်ဆိုတာ ဟုတ်ပါရဲ့လား” ဆိုတဲ့ ဆွေးနွေးချက်ကိုတော့ ဒီချုပ်အမတ် ဦးနေမျိုးထွန်းက ပယ်ဖျက်ပေးဖို့ နာယကထံ တင်ပြခဲ့ပါတယ်။

နာယက အနေနဲ့ကတော့ တင်ပြချက်တွေအပေါ် လုံးကောက်ပြန်ဖော်ပြီး စိစစ်သွားမယ်လို့ ပြောကြားခဲ့ပါတယ်။

လက်ရှိ ဖွဲ့စည်းပုံပြင်ဆင်ရေး ဥပဒေကြမ်းတွေအပေါ် ဆွေးနွေးမှုဟာ ၅ ရက်အထိ ပြီးဆုံးသွားပြီဖြစ်ပြီး သည်ရက်တွေအတွင်းမှာ ဆွေးနွေးချက်အချို့အပေါ် ကန့်ကွက်ခံရတဲ့ ကိုယ်စားလှယ်ဦးရေက ၁၇ ဦးအထိ ရှိပါတယ်။ ပြည်ထောင်စုလွှတ်တော်နာယကက ပြန်လည်စိစစ်ကာ လွှတ်တော်မှတ်တမ်းကနေ ပယ်ဖျက်ခံရတဲ့ ဦးရေကတော့ ၁၂ ဦးအထိ ရှိပြီ ဖြစ်ပါတယ်။

crd:kumudra