မြန်မာ့ရိုးရာယဉ်ကျေးမှု သင်္ကြန်ပွဲတော် ကာလအတွင်း မန္တလေးမြို့တွင် အရက်၊ ဘီယာများ ရောင်းချပါက အထူးတရားရုံးသို့ ချက်ချင်းတင်ပို့ အရေးယူမည်

(၂၀၂၀) ပြည့်နှစ် မန္တလေးမြို့ မြန်မာ့ရိုးရာ ယဉ်ကျေးမှု မဟာ သင်္ကြန်ပွဲတော် ကာလအတွင်း လူစည် ကားရာ ကျုံးပတ်လည် လမ်း များပေါ်နှင့် လမ်း လယ် ကျွန်းများပေါ် သို့ ကျူးကျော်ရောင်းချ သည့် ဈေးသည် များနှင့် တားမြစ် ထားသည့် အရက် ဘီယာများကို လှည့်လည် ရောင်းချသူ များအား ဖမ်းဆီး ကာ စည်ပင် အထူး တရားရုံးသို့ ချက်ချင်း တရားစွဲ တင် ပို့၍ အရေးယူ မည်ဖြစ်ကြောင်း မန္တလေးမြို့တော် စည်ပင် သာယာရေးကော်မတီ မှ သိရသည် ။ သင်္ကြန် ကာလအတွင်း ကျူးကျော်ဈေးသည် များကြောင့် ယာဉ်ကြော ပိတ်ဆို့ မှုမဖြစ်ပွားစေရေးအ တွက် ရည်ရွယ် ကာ ဈေးရောင်း ချခွင့် ကန့်သတ်ထားမည့် လမ်းနေရာများကို ပွဲတော်မတိုင်ခင် တရားဝင် ထုတ်ပြန် အသိပေးမည်ဖြစ်ပြီး အဓိကအားဖြင့် ကျုံးပတ်လည် လမ်းများနှင့်အတူ ဆက်စပ်နေသည့် လမ်းများ ပါဝင်မည်ဖြစ်ကြောင်း သိရ သည်။

“အဲဒီ ကန့််သတ် ထားတဲ့ လမ်းတွေရဲ့ ပ လက်ဖောင်း၊ လမ်းလယ်ကျွန်း၊ ရေမြောင်းနဲ့ လမ်းမြေတွေဘေး မှာ ကျူးကျော်ဈေးရောင်းချခြင်း၊ မော်တော်ယာဉ်၊ အနှေးယာဉ်၊ တွန်းလှည်းတွေနဲ့ ရွေ့လျားရောင်းချခြင်း၊ ဆိုင်တည်ခင်း ရောင်းချခြင်းတွေအားလုံးကို တားမြစ်သွား မှာဖြစ်ပါတယ်။ ဖမ်းဆီးခံရတဲ့ စည်းကမ်းမဲ့ ကျူးကျော်ဈေးရောင်းသူတွေကို သင်္ကြန်ရက်အတွင်းမှာ ဖွင့်လှစ်ထားတဲ့ အထူး တရားရုံးတွေဆီကို ချက်ချင်းတင်ပို့ အရေးယူသွားမှာဖြစ်သလို ရောင်းချတဲ့ပစ္စည်းတွေနဲ့ ရောင်းချရာမှာ အသုံးပြုတဲ့ ထိုင်ခုံ၊ တွန်း လှည်းတွေကအစ ခေတ္တသိမ်းဆည်းပြီး သင်္ကြန်ပြီးမှ ပြန်လည်ထုတ်ပေးသွားမှာဖြစ်ပါတယ်။ ကန့်သတ်ထားတဲ့လမ်းတွေကလွဲလို့ ကျန်တဲ့နေရာတွေ မှာတော့ တားမြစ်ထားတဲ့ အရက်ဘီယာကလွဲရင် ကျန်တဲ့စားသောက်ဖွယ်ရာတွေကို ရောင်းချမယ့် ပျံကျဈေး သည်တွေ အတွက်တော့ ဒီနှစ် မှာ ဈေးရောင်းချခွင့်လိုင်စင်ကို သတ်မှတ်စည်းကမ်းချက်တွေနဲ့အညီ ထုတ်ပေးသွားဖို့ရှိ ပါတယ်”ဟု မန္တလေးမြို့တော်စည်ပင် သာယာရေးကော်မတီမှ ကော်မတီဝင် ဦးကျော်ဇောအောင် က မြန်မာတိုင်းမ် သို့ ပြောကြားသည်။

ဈေးရောင်း ချခွင့်လိုင်စင်အတွက် ကော်မတီရုံးအတွင်းရှိ အခွန်ဌာနသို့ မှတ်ပုံတင်နှင့်အတူ လာရောက်လျှောက်ထားရမည်ဖြစ်ပြီး ယခုနှစ် မန္တလေး သင်္ကြန်ကာလတွင် မြန်မာ့ရိုးရာအစားအသောက် ရောင်းချလိုသူများအတွက်လည်း နေ့ရောညပါ ဖွင့်လှစ်နိုင်မည့် တော သင်္ကြန်ဈေးတန်းတစ်ခု စီစဉ်ပေးမည်ဖြစ်ကြောင်း သိရသည်။

ကျူးကျော်ဈေး သည် များကို စည်ပင်၊ ရဲတပ်ဖွဲ့နှင့်အတူ အခွန်ဌာနနှင့် သန့်ရှင်းရေးဌာနတို့ ပူးပေါင်း၍ ဖမ်းဆီးမည်ဖြစ်ပြီး ယခင်နှစ်များက မန္တလေးသင်္ကြန်ပွဲတော်ကာလအတွင်း ကျူးကျော်ဈေးသည်များကို ရောင်းချခွင့် ကန့်သတ်လေ့ရှိသည့် လမ်းများမှာ ၆၆ လမ်းပေါ်တွင် ၁၂ လမ်းမှ ၂၆ လမ်း အထိ၊ ၂၆ လမ်းပေါ်တွင် ၆၆ လမ်းမှ လမ်း ၈၀ အထိ၊ လမ်း ၈၀ ပေါ်တွင် ၁၂ လမ်းမှ ၂၆ လမ်းအထိ၊ ၁၂ လမ်းပေါ်တွင် ၆၆ လမ်းမှ လမ်း ၈၀ အထိ၊ ၇၇ လမ်း၊ ၇၆ လမ်း၊ ၇၅ လမ်း၊ ၇၄ လမ်း၊ ၇၃ လမ်း၊ ၇၂ လမ်း၊ ၇၁ လမ်း၊ လမ်း ၇၀၊ ၆၉ လမ်း၊ ၆၈ လမ်းနှင့် ၆၆ လမ်းပေါ်တို့တွင် ၂၆ လမ်းမှ ၂၇ လမ်းအတွင်းတို့ဖြစ် သည်။

crd:The myanmar Time