“တပ်မတော်သားများ တစ်ချိန်တုန်းက တိုင်းပြည်ကိုကယ်တင်ကြသလို အခုလည်း(၄၃၆) ပြင်ဆင်ချက်ပေးခြင်းဖြင့် တိုင်းပြည်ကို ကယ်တင်ကြရန်” ချင်းအမတ်ပြော

ယနေ့ပြည်ထောင်စု လွှတ်တော်တွင် ချင်းပြည်နယ် မဲဆန္ဒနယ် အမှတ်(၅) မှ လွှတ်တော် ကိုယ်စားလှယ် ဦးပူဂင်ကမ်းလျန်က တောင်ပေါ် သားတစ်ယောက် အ နေဖြင့် ပွင့်ပွင့်လင်းလင်းတိုက်ရိုက် ပြောရမည်ဆိုပါက ၄၃၆ ပြင်ဆင်ရန်အတွက် တပ်မတော်သား လွှတ် တော်ကိုယ် စားလှယ်များက အဓိကကျသည်ဟု ပြောဆိုလိုက်ကြောင်း သိရသည်။

(၄၃၆) သည် နိုင်ငံတော်တိုးတက်ရာ တိုးတက်ကြောင်း တိုင်းပြည်၏ အတားအဆီးတစ်ခုလိုဖြစ်နေကြောင်း၊ ရှေ့က ဆွေးနွေးသွားခဲ့သည့် တပ်မတော်သားလွှတ် တော်ကိုယ်စားလှယ်တော်ကြီးများက တပ်မတော်သည် တိုင်းပြည်၏အရေးကြီးကဏ္ဍ၌ ပါဝင်နေကြောင်း၊ တိုင်း ပြည် အကြပ်အတည်းကာလတွင်လည်း တိုင်းပြည်ကို ကယ်တင်ခဲ့ကြောင်း ကို ကျယ်ကျယ်လောင်လောင်ကြားနေရသည်ဟု ပြောသည်။

ယခုအချိန်သည် တိုင်းပြည်အတွက် အရေးကြီး ကာလဖြစ်ကြောင်း၊ နိုင်ငံတော်ရှေ့ဆက်သွားရန်ဆိုလျှင် ၄၃၆ ပြင်မှ အကြပ်အတည်းတစ်ခု ကျော်လွှား၍ ရမှာ ဖြစ်သည်ဟု ဦးပူဂင်ကမ်းလျန်က ပြောကြားသည်။ ဖွဲ့စည်းပုံအခြေခံဥပဒေကိုပြင်ဆင်သည့်ပုဒ်မဖြစ်သော ၄၃၆ ပြင်ဆင် ချက်များကို အမှန်ခြစ်, ခြစ်ပေးခြင်းအားဖြင့် တိုင်းပြည်ကို ကယ်တင်ကြပါဟု ဦးပူဂင်ကမ်းလျန်က ပြောကြားသည်။

ယနေ့ (မတ် ၅ ) ကျင်းပခဲ့သည့် ပြည်ထောင်စုလွှတ်တော်အစည်းအဝေးတွင် ဖွဲ့စည်းပုံအခြေခံဥပဒေကို ဒုတိယအကြိမ်ပြင်ဆင်သည့် ဥပ ဒေကြမ်း ပုဒ်မ၊ ပုဒ်မခွဲ များကို ဆွေးနွေးရာ၌ ထည့်သွင်းပြောကြားသွားခြင်း ဖြစ်သည်။ဦးထွန်းထွန်းဟိန်ပါ လွှတ်တော်ကိုယ်စားလှယ် ၃၅၁ ဦး တင်သွင်းထားသည့် ၄၃၆ (က) (ခ) ပြင်ဆင်ချက် ကို အပြည့်အဝထောက်ခံသည်ဟု ၎င်းကပြောကြားသည်။

ဆက်လက်၍ ဦးပူဂင်ကမ်းလျန်က ” ၄၃၆ အကြပ် အတည်းကို ကျော်လွှားနိုင်ဖို့ဆိုတာ တပ်မတော်သားများပြောခဲ့သလို တစ်ချိန်တုန်းက တိုင်းပြည်ကို ကယ် တင်ကြသလို အခုလည်း ဆက်လက် ကယ်တင်ကြပါလို့ ကျွန်တော်အနူးအညွတ် တောင်းပန်လိုပါတယ်။ အခု ကယ် တင်ရမယ့် အလုပ်ကတော့ သိပ်အပန်း မကြီးပါဘူး။ သေနတ်ဖောက်စရာလည်း မလိုဘူး။

အသက်ပေးစရာ မလိုဘူး။ ဦးထွန်းထွန်းဟိန် တင်ပြတဲ့အချက်ကို ဘောပင်လေးနဲ့ အမှန်လေး ခြစ်ပေးလိုက်။ ကျွန်တော်တို့ ခဏလေး ပြီးသွားမယ့်ကိစ္စဖြစ်ပါတယ်။ ဒါကြောင့် လွှတ်တော်ကိုယ်စားလှယ်တော်ကြီးများအားလုံး လေးအနက်စဉ်းစားကြပါလို့ပြောရင်း နိဂုံး ချုပ်လိုပါတယ်” ဟု လွှတ်တော်အတွင်း၌ပြောဆိုဆွေး နွေးသွားသည်။

လွှတ်တော်ကိုယ်စားလှယ်များ၏ ဆွေးနွေးမှုများနှင့် ပတ်သက်၍ လွှတ်တော်၏ အဆုံးအဖြတ်ရယူမှုကို မတ် ၁၀ ရက်နေ့တွင်ပြုလုပ်သွား မည်ဖြစ်ပြီး၊ စက်ခလုတ် အသုံးမပြုဘဲ လျှို့ဝှက်ဆန္ဒမဲပေးစနစ်ကို အသုံးပြုသွားမည်ဟု ပြည်ထောင်စုလွှတ်တော်နာယက က ကြေညာ ထားကြောင်း သိရသည်။

REF: THE LADIES NEWS