ပြည်ခိုင်ဖြိုးနိုင်ရင် စစ်ဖိနပ်အောက်ပြန်ရောက်သွားမယ်၊ (၃၀) ရာခိုင်နူန်းနိုင်ရင် တပ်မတော်နဲ့ပေါင်းပြီး အစိုးရဖွဲ့မယ် ဆိုတဲ့ကိစ္စ ဦးသန်းဌေးရှင်းလင်းပြောဆိုချက်

လာမည့်(၂၀၂၀) ပါတီစုံ ဒီမိုကရေစီအထွေထွေ ရွေးကောက်ပွဲအတွက် ပြင်ဆင်ထားရာတွင် ပြည်ခိုင်ဖြိုးအနေဖြင့် တပ်မတော် ပုံရိပ်နဲ့ သီးခြားစီ ဖြစ်အောင် ခွဲထွက်နိုင်မယ်လို့ ယုံကြည်လားဟု ဘီဘီစီ သတင်းဌာနရဲ့ မေး မြန်းမှုကို ပြည်ခိုင်ဖြိုးပါတီဥက္ကဌဦးသန်းဌေးက အောက်ပါအတိုင်း ဖြေကြားခဲ့ပါသည်။

များသောအားဖြင့် ဒီအချိန်မှာ ကျွန်တော်တို့ တကယ်ရင်ဆိုင်နေရတာကတော့ သိတဲ့ အတိုင်းပဲ ပြည်ခိုင်ဖြိုး ဆိုရင် စစ်ဖိနပ်အောက် ပြန်ရောက်သွားလိမ့်မယ် ဆိုတဲ့ လော်ဘီအားက သိပ်ကြီးပါတယ်။ မဟုတ်ပါဘူး၊ မဟုတ်ပါဘူး။ ကျွန်တော့် အသက်ပဲ ဒီကနေ့ ၆၀ ကျော်ပြီဗျာ။ ကျွန်တော် ဘယ်အချိန်ထိ လုပ်မှာတုံး။

ဒီနေ့ နောက်ထပ် ပြည်ခိုင်ဖြိုးကို ကော စစ်သားတွေ ဗိုလ်ချုပ်တွေ ဘယ်နှစ်ယောက်များ ရောက်လာလို့ တုံး။ အားလုံးက လုပ်ဖော်ကို င်ဖက်တွေ အသက် ၆၀ ကျော်တွေ များပါတယ်။ တချိန်မှာ ဒီမှာ အခုဘေးမှာ ထိုင်နေတဲ့ ကလေးတွေပေါ့၊ အရပ်သား စစ်စစ်တွေလေ။ သူတို့ကို ကျွန်တော်တို့ ပြောရေးဆိုခွင့်တွေ၊ လုပ်ပိုင်ခွင့်တွေ လွှဲပေးနေပြီပဲ။

ဆိုတော့ ကိုယ်တင်လားဆိုတော့ တခြားပါတီတွေမှာလည်းပဲ တပ်မတော်မှာ အကြီး ဟုတ်လား အဆင့်အမြင့်ဆုံး တာဝန်ယူခဲ့တဲ့ ပုဂ္ဂိုလ် တွေရှိနေတာပဲ။ ဒါပေမယ့် အဲ့ဒီမှာ အဲဒီလို ပြောသံမကြားဘဲနဲ့ ပြည်ခိုင်ဖြိုးမှာပဲ ပြောနေတာ ထူးဆန်းတယ်။ ဒါက ပုံရိပ်ကို တမင်တကာ ရည်ရွယ်ချက် ရှိရှိ ဒီလို လုပ်တယ်လို့ လုပ်တယ်လို့ ကျွန်တော်က ယူဆတယ်။

နိုင်ခဲ့တဲ့ ဒေသတချို့မှာ အငြင်းပွားဖွယ် ဖြစ်ခဲ့တာလေးတွေပေါ့။ အထူးသဖြင့်တော့ တပ်နဲ့ ပတ်သက်ပြီးတော့ တပ်မဲဆန္ဒနယ်နဲ့ ပတ်သက် ပြီးတော့ အငြင်းပွားဖွယ် ရှိခဲ့တာတွေ ရှိတယ်။ အဲ့တော့ ပြည်ခိုင်ဖြိုး ပါတီရဲ့ ဥက္ကဋ္ဌ တစ်ယောက်အနေနဲ့ ဆိုရင် ဒီလို အငြင်းပွားဖွယ် ဖြစ်ခဲ့ တဲ့ အပေါ် ဘယ်လို တုံ့ပြန်ချင်လဲဟု မေးမြန်းမှုအပေါ်အခုလို ဖြေကြားပါတယ်။

အငြင်းပွားမှု ကတော့ ရှိကြမှာပါ။ အဲ့တော့ ဒီဟာတွေ အပေါ်မှာ သမာသမတ်ကျကျ ရှင်းလင်းပေးဖို့ကလည်း ကော်မရှင်မှာပဲ အဓိက တာ ဝန်ရှိပါတယ်။ ပြောရရင်တော့ ဒီနေ့ ပြည်ခိုင်ဖြိုးက အာဏာရပါတီမှ မဟုတ်ဘဲ။ အဲဒီအတွက် ဒီရွေးကောက်ပွဲကြီးတစ်ခုလုံးကို အဓိက စီစဉ်သူကလည်း လက်ရှိ အာဏာရပါတီ၊ လက်ရှိ အစိုးရပဲ ဖြစ်တယ်။

ကော်မရှင်ကလည်း အာဏာရပါတီက ခန့်ထားတဲ့ ကော်မရှင်ပဲ ဖြစ်တယ်။ အဲ့တော့ ဒါတွေကို ဖြေရှင်းဖို့ တာဝန်ဟာ ဒီပုဂ္ဂိုလ်တွေရဲ့ တာဝန်ပဲ။ မိမိ ပါတီအနေနဲ့တော့ ရိုးသားစွာပဲ ဝင်ပြီး ယှဉ်ပြိုင်ခဲ့တယ်။ အထူးသဖြင့် မြစ်ကြီးနားဒေသမှာ ကျွန်တော်တို့ ရတဲ့ မဲတွေဟာ ဒါ တွက်ချက်မှုအရဆိုရင်တော့ အဲဒီ ကြိုတင်မဲတွေ မပါဘဲနဲ့ကိုပဲ ကျွန်တော်တို့က ပြတ်ပြတ်သားသား နိုင်ထားတဲ့ အနေအထားရှိတယ်။

ကျွန်တော် ရှင်းရှင်းပဲ ပြောမယ်လေ။ တော်တော်များများ ဒီနေ့ ပြည်ခိုင်ဖြိုးကို အခု ဒီမှာ ၃၀ ရာခိုင်နှုန်း ပြန်အနိုင်ရတဲ့ အခါမှာတောင်မှပဲ တချို့ ဆိုရှယ်မီဒီယာတွေပေါ်မှာ Comment (မှတ်ချက်) ရေးတဲ့ သူတွေက ဟုတ်လား၊ ‘ခင်ဗျားတို့က ဟိုဘက်က ၂၅ % နဲ့ ပေါင်းရင် ဘာဖြစ်ပြီပဲ၊ ညာဖြစ်ပြီပဲ’ ဒါမျိုး ရေးတာတွေ ရှိပါတယ်။

ကျွန်တော့် ပါတီဝင်တွေကို ရှင်းရှင်းလင်းလင်းပဲ ပြောထားပါတယ်။ ဘယ်သူနဲ့ ပေါင်းမှ အစိုးရဖွဲ့နိုင်မယ် ဆိုတဲ့ဟာ ခေါင်းထဲ မှာလည်း မထည့်ထားပါနဲ့။ ပါးစပ်ကလည်း ပြောရန် မလိုပါ။ ကိုယ့်ဟာကိုယ် ကိုယ့်ခြေထောက်ပေါ် ကိုယ်ရပ်တည်ပြီးတော့ ဟုတ်လား၊ နောက်ဆုံး စုပေါင်း ပြီးတော့ ညွန့်ပေါင်း အစိုးရလို ဖြစ်တယ် ဆိုရင်တောင် ကိုယ်ဟာ အင်အားကြီး၊ ကိုယ့်ကို မဏ္ဍိုင်ပြုတဲ့ ဟာမျိုးပဲ ဖြစ်ရမယ်။

REF: BBC