ရှမ်းမြောက် နမ့်ခမ်းမြို့နယ် ပန်ဆေးဒေသရှိ ကျေးရွာ (၅) ခုကို TNLA ဝင်တိုက်၊ ပန်းဆေး ပြည်သူ့စစ်နှင့် တိုက်ပွဲ ပြင်းထန်

ရှမ်းပြည်မြောက်ပိုင်း၊ နမ့်ခမ်းမြို့နယ် ပန်ဆေးဒေသရှိ ကျေးရွာ ၅ ခုကို တအာင်း အဖွဲ့ (TNLA) က ဝင်တိုက်ခဲ့ သည်ဟု ဒေသခံ တချို့က ပြောခဲ့ ကြောင်း သိရှိရသည်။မတ်လ ၁၅ ရက်နေ့ နံနက် ၅ နာရီလောက်မှစကာ ပန်ဆေးဒေသရှိ မန့်ပါလီရှောကျေးရွာ၊ ရှောက်ကုန်းကန့်ကျေးရွာ၊ ပန်းဆေးကျေးရွာ၊ ပါကွ မန့်မိုင် (ခေါ်) ပါးမှောက်ရွာ တို့ကို TNLA အဖွဲ့ကဝင်ရောက်ခဲ့သောကြောင့် ပန်ဆေးပြည်သူ့စစ်အဖွဲ့နှင့် တိုက်ပွဲပြင်းထန်ကြောင်း ၎င်း ကဆိုသည်။

“ ၅ နေရာလောက်ကို မနက် ၄ နာရီလောက်က ရည်ရွယ်ချက်နဲ့ ပြင်းပြင်းထန်ထန်ကိုတိုက်တာပေါ့။ လက်နက်ကြီးတွေလည်းချတယ်။ လက်နက်ငယ်တွေနဲ့လည်း အရမ်းဝင်ပစ်တယ်။ ပစ်တော့ ဒေသခံပြည်သူ့စစ်ကနေ ပြန်ခံပစ်တယ် ” ဟု ပန်းဆေး ဒေသ အမည်မဖော်လိုသူ ခိုလုံလီရှောဒေသခံတစ်ဦးကပြောသည်။

တိုက်ပွဲမှာ သတင်းရေးသားချိန် နံနက် ၁၁ နာရီကျော်အထိ ဖြစ်ပွားနေသေးပြီး အနည်းဆုံး အရပ်သား ၂ ဦးထိခိုက်သေဆုံးထားရကြောင်း လည်းဒေသခံများထံမှသိရသည်။အဆိုပါ နေရာ ၅ ခုကို TNLA မှဝင်တိုက်ခဲ့ခြင်းမဟုတ်ဘဲ မူးယစ်ဆေးများကို ဖျက်ဆီးရန်ဝင်ရောက်စဉ် ပြည်သူ့စစ်အဖွဲ့မှတိုက်ခိုက်ခဲ့ခြင်းဟု (TNLA) မှ တာအိုက်ကျော်က ပြောသည်။

“ အဲ့ဘက်မှာ ဘိန်းခင်းရှိတယ်။ ရှိတော့ ကျွန်တော်တို့အဖွဲ့က သွားရောက်ဖျက်ဆီးတာဖြစ်တယ်။ အဲ့လိုသွားတဲ့အချိန်ပြည်သူ့စစ်က လာ ရောက်တိုက်ခိုက်လို့ နှစ်ဖက် အပြန်အလှန်ပစ်ခတ်မှုတွေတော့ရှိတယ်။ အသေးစိတ်တော့ကျွန်တော်မသိရသေးဘူး” ဟု ၎င်းကပြောသည်။

အဆိုပါရွာ ၅ ရွာသည် ဘိန်းစိုက်သူများရှိနေသည့်အပြင် မူးယစ်ဆေးဝါးရောင်းဝယ်ဖောက်ကားမှုများရှိနေသောကြောင့် ဝင်ရောက် ဖျက်ဆီး ရန် လုပ်ရခြင်းဟုလည်း TNLA မှ တာအိုက်ကျော်ကဆိုသည်။အထက်ပါကိစ္စနှင့် ပက်သက်၍ ရွာ၅ ရွာတွင် ဘိန်းစိုက်ခြင်းမရှိသောကြောင့် မတရားမစွပ်စွဲစေလိုကြောင်းလည်း နယ်မြေလုံခြုံ ရေးအရ အမည်မဖော်လိုသူ ဒေသခံကဆိုသည်။

“ ဘိန်းစစ် ဆိုတဲ့နေရာမှာ ကျွန်မတို့ဆီမှာ ဒီရာသီဘိန်းပင်လည်းမရှိဘူး။ ဘာမှမရှိဘူး အဲ့တာကို ဘိန်းစစ်ဆိုပြီးမှ မတရားစွပ်စွဲရင်လည်း မတတ်နိုင်ဘူး။ ဘိန်းစစ်ဆိုရင် ကောင်းခါးတို့လိုနေရာတွေပေါ့ ရှမ်းပြည်မြောက်ပိုင်းမှာ ကမ္ဘာသိ၊ လူသိ အဲ့နေရာတွေကို သွားတိုက်မှပဲ ဘိန်းစစ်ခေါ်မှာပေါ့” ဟု အဆိုပါဒေသခံကပြောသည်။

ရှမ်းပြည်နယ်မြောက်ပိုင်း နမ့်ခမ်းမြိုနှင့် နမ့်ဖတ်ကာကြားဒေသတွင် ခိုလုံလီရှော လူမျိုးတွေ အများဆုံး နေထိုင်သည့် ဒေသဖြစ်ပြီးပန်ဆေး ပြည်သူ့စစ်အဖွဲ့များလှုပ်ရှားသည့်နယ်မြေလည်းဖြစ်သည်။အဆိုပါဒေသတွင် ပြီးခဲ့သည့် ၂၀၁၉ ခုနှစ်အထိ ဘိန်းအဓိကစိုက်ပျိုးသည်ဟုဆိုကာ ဘိန်းခင်းလာရောက်ဖျက်ဆီးလေ့ရှိသည့် TNLA နှင့် ပန်ဆေးပြည်သူ့ စစ်တို့ကြား၊ မကြာခဏတိုက်ပွဲဖြစ်ပွားလေ့ရှိသည်။