စစ္သားပီသလြန္းေသာ စစ္သား (သို႔) မင္းရဲသီဟသူ

ျမန္မာနိုင္ငံရဲ့ သမိုင္းတစ္ေလ်ာက္ ျပန္ၾကည့္လိုက္ မယ္ဆိုရင္ အလြန္ထူးခၽြန္ထက္ျမတ္ခဲ့တဲ့ နိုင္ငံေခါင္းေဆာင္ႀကီးေတြ ေခတ္အဆက္ဆက္ ေပၚထြတ္ခဲ့သလို နိုင္ငံေခါင္းေဆာင္ မဟုတ္ေပမယ့္ လက္႐ုံးရည္၊ ႏွလုံးရည္ေတြနဲ႔ ျပည့္စုံတဲ့သူေတြလည္း အမ်ားအျပား ေပၚထြတ္ခဲ့တာကို ေတြ႕ရမွာ ျဖစ္ပါတယ္။ အဲဒီအထဲမွာ ဗဒုံ-မင္းရဲသီဟသူ လည္းပါ၀င္ေနတယ္လို႔ ဆိုရမွာ်ဖစၸါတယ္။ မင္းရဲသီဟသူဟာ ေညာင္ရမ္းေခတ္ အေနာက္ဘက္လြန္မင္းလက္ထက္မွာ အလြန္ထင္ရွားတဲ့ စစ္သူႀကီးတစ္ေယာက္ လို႔ဆိုရမွာပါ။ သူဟာ ၁၆ ရာစုအေစာပိုင္း ျမန္မာစာေပေလာကမွာ အႏုအရြ စကားလုံးေတြ အလြမ္းအေဆြးေတြနဲ႔ ေက်ာ္ၾကားခဲ့တဲ့ နတ္သၽွင္ေနာင္ရဲ့ ဒုတိယေျမာက္ညီျဖစ္ပါတယ္။ တကယ္ေတာ့ နတ္သၽွင္ေနာင္နဲ႔ညီေတာ္ေတြဟာ ဘုရင့္ေနာင္ရဲ့ ညီေတာ္အရင္းေတာင္ငူမင္းေခါင္ရဲ့သား ေရႊနန္းတည္မင္းက ေမြးဖြာလာသူျဖစ္တာေၾကာင့္ မဟာဆီမဟာေသြး ပါသူေတြလို႔ဆိုရင္ မွားမယ္မထင္ပါဘူး။ ေရႊနန္းတည္မင္းဟာ နတ္သၽွင္ေနာင္၊ မင္းရဲေက်ာ္စြာ၊ မင္းရဲသီဟသူ၊ မင္းရဲေက်ာ္ထင္ဆိုၿပီး သားေလးေယာက္ကို ေမြးဖြားခဲ့တာျဖစ္ပါတယ္။ သူနတ္ရြာစံတဲ့အခါ ေတာင္ငူထီးနန္းကို သိမ္းပိုက္ခဲ့သူက သားေတာ္ႀကီးနတ္သၽွင္ေနာင္ျဖစ္ပါတယ္။ ဒါေပမယ့္ နတ္သၽွင္ေနာင္ရဲ့ ေတာင္ငူဧကရာဇ္ဘ၀က သိပ္ၿပီးေတာ့ၾကာျမင့္ခဲ့ျခင္း မရွိခဲ့ပါဘူး။ ဘာလို႔လည္း ဆိုေတာ့ နတ္သၽွင္ေနာင္ ေတာင္ငူထီးနန္းကိုသိမ္းပိုက္ၿပီး လအနည္းငယ္အၾကာမွာ ညီအစ္ကိုႏွစ္၀မ္းကြဲ ေတာ္စပ္တဲ့ အင္း၀ဘုရင္ မဟာဓမၼရာဇာ (အေနာက္ဘက္လြန္မင္း)က ေတာင္ငူကို ၀င္ေရာက္သိမ္းပိုက္ လိုက္တာေၾကာင့္ပဲျဖစ္ပါတယ္။ အဲဒီတိုက္ပြဲအၿပီးမွာ အင္း၀ဘုရင္ဟာ ေတာင္ငူထီးနန္းကို မွန္ကင္းခ်လိုက္ၿပီး နတ္သၽွင္ေနာင္ကို ၿမိဳ႕စားႀကီးတစ္ေယာက္အေနနဲ႔ ျပန္လည္ခန႔္အပ္ခဲ့ေပမယ့္ သူ႔ရဲညီေတာ္ျဖစ္ၾကတဲ့ မင္းရဲေက်ာ္စြာ၊ မင္းရဲသီဟသူနဲ႔ မင္းရဲေက်ာ္ထင္တို႔ကိုေတာ့ အင္း၀ကိုေခၚေဆာင္ သြားခဲ့တာပါ။ အဲဒါေၾကာင့္မို႔ မင္းရဲသီဟသူဟာ ေတာင္ငူကေန အင္း၀ဘုရင္ထံမွာ အမႈထမ္းတစ္ေယာက္ ျဖစ္လာခဲ့ရတာျဖစ္ပါတယ္။

မင္းရဲသီဟသူ၏ လုပ္ေဆာင္ခ်က္မ်ား

မဟာဓမၼရာဇာဟာ ေအဒီ၁၆၁၃ခုႏွစ္မွာ သန္လ်င္ကိုသိမ္းယူလိုက္ၿပီးေနာက္ အင္း၀ကို ျပန္သြားျခင္း မရွိေတာ့ဘဲ အဘိုးျဖစ္တဲ့ ဘုရင့္ေနာင္မင္းတရားႀကီး နန္းစိုက္ရာ ဟံသာ၀တီကို ေျပာင္းေရႊ႕ကာ အုပ္ခ်ဳပ္ေရးလုပ္ငန္းေတြကို စတင္ေဆာင္ရြတ္ခဲ့ပါတယ္။ သန္လ်င္တိုက္ပြဲအၿပီးမွာ ျမန္မာနိုင္ငံတစ္လႊားကို သိမ္းပိုက္နိုင္ၿပီလို႔ ယူဆရတဲ့အခ်ိန္မွာပဲ ထား၀ယ္စားျဗသပိုက္ဟာ ယိုးဒယားေတြရဲ့ အကူအညီနဲ႔ မဟာဓမၼရာဇာကို ပုန္ကန္ျခားနားပါတယ္။ အဲဒီပုန္ကန္ကို ႏွိမ္ႏွင္းဖို႔ရာအတြက္ တပ္ေတြကိုစုဖြဲ႕တဲ့အခါ ထင္ရွားတဲ့စစ္သူႀကီးျဖစ္ၾကတဲ့ မင္းရဲသိခၤသူ (သာလြန္မင္း) မင္းရဲသီဟသူနဲ႔ ဘယာဂါမဏိတို႔ ပါ၀င္ခဲ့ပါတယ္။ ထား၀ယ္စားျပသပိုက္ကို အနိုင္ရၿပီးေနာက္မွာေတာ့ မဟာဓမၼရာဇာဟာ မင္းရဲသီဟသူဦးေဆာင္တဲ့ တပ္မေလးခုကို တနသၤာရီသို႔ စုံစမ္းေစဆိုၿပီး ထပ္မံေစလႊတ္ခဲ့ပါတယ္။ စုံစမ္းေစလို႔သာ ရာဇ၀င္ႀကီးေတြမွာ ဆိုထားတာေၾကာင့္ တိုက္ခိုက္သိမ္းပိုက္ဖို႔ရာထက္ အဲဒီနယ္ေတြကို ထိမ္းခ်ဳပ္ထားတဲ့ ယိုးဒယားတို႔ရဲ့ ပကတိအေနအထားကို သိလိုျခင္းကသာ ပိုၿပီးအဆင္ေျပတဲ့ အေၾကာင္းျပခ်က္ ျဖစ္ပါလိမ့္မယ္။ ဒါေပမယ့္ မင္းရဲသီဟသူဦးေဆာင္တဲ့ တပ္မေလးခုဟာ ေဒသခံလူေတြရဲ့ တိုက္ခိုက္လာမႈေတြနဲ႔ ယိုးဒယားကေစလႊတ္လိုက္တဲ့ တပ္အခ်ိဳ႕ကိုအနိုင္ရလိုက္တာေၾကာင့္ ရည္မွန္းခ်က္ကိုေက်ာ္လြန္ကာ တနသၤာရီေဒသကို သိမ္းပိုက္နိုင္ခဲ့ပါတယ္။

အဲဒီအခ်ိန္မွာပဲ မဟာဓမၼရာဇာဟာ ဇင္းမယ္မွာ ထီးနန္းဆက္ခံေရးနဲ႔ပတ္သက္ၿပီး မတည္မၿငိမ္ ျဖစ္ေနတာကို အခြင့္ေကာင္းယူကာ ခ်ီတက္တိုက္ခိုက္ဖို႔ ဆုံးျဖတ္လိုက္ပါတယ္။ အဲဒါေၾကာင့္ မင္းရဲသီဟသူဟာ တနသၤာရီစစ္ေျမျပင္ကေန ဇင္းမယ္စစ္မ်က္ႏွာကို မနားတမ္းခ်ီတက္ လိုက္ပါခဲ့ရ တယ္လို႔ ဆိုရပါလိမ့္မယ္။ ဇင္းမယ္တိုက္ပြဲဟာ မဟာဓမၼရာဇာအတြက္ လြယ္ကူတဲ့ေအာင္ပြဲတစ္ခုေတာ့ မဟုတ္ပါဘူး။ ဇင္းမယ္ဘုရင္ သတိုးမင္းေက်ာ္နဲ႔ နန္းတြင္းေခါင္းေဆာင္ေတြရဲ့ စီမံကြပ္ကြဲမႈ ေကာင္းလြန္းတာေၾကာင့္ မဟာဓမၼရာဇာဟာ သူ႔သမိုင္းတစ္ေလ်ာက္ ေအာင္ျမင္မႈမရပဲ ပထမဆုံးအေနနဲ႔ ဆုတ္ခြါရေတာ့မယ့္ အေျခအေန်ဖစ္ေနပါတယ္။ ညီေတာ္အရင္း မင္းရဲသိခၤသူအပါ၀င္ က်န္တဲ့တပ္မႈးႀကီးေတြ အားလုံးကလည္း စစ္ရိကၡာအလြန္နည္းေနၿပီျဖစ္လို႔ ဒီတစ္ႀကိမ္ေတာ့ လက္ေလၽွာ့ပါလို႔ ေတာင္းဆိုရတဲ့ အထိ ျဖစ္လာတာေတြက ထင္ရွားတဲ့သက္ေသေတြပဲျဖစ္ပါတယ္။ မင္းရဲသီဟသူဟာ အင္အားနည္းေနၿပီျဖစ္တဲ့ စစ္သည္ေတြကို အရင္ျပန္ႏွင့္ေစၿပီး အင္အားေကာင္းတဲ့တပ္ေတြက ဆက္လက္၀န္းရံထားမယ္ဆိုရင္ မၾကာခင္အခ်ိန္အတြင္း အေရးေတာ္ၿပီးလိမ့္မယ္လို႔ တစ္မူထူးျခားစြာပဲ ေလ်ာက္တင္ခဲ့ပါတယ္။ မင္းရဲသီဟသူရဲ့စကားဟာ မွန္ကန္မႈရွိခဲ့ၿပီး ဇင္းမယ္နဲ႔ လ၀န္းအၾကားက အနန္နယ္စားဟာ ရက္အနည္းငယ္အတြင္းမွာ စားနပ္ရိကၡာ ေတြအျပည့္နဲ႔ မဟာဓမၼရာဇာထံ ခို၀င္လာခဲ့တာေၾကာင့္ ေနာက္ဆုံးမွာေတာ့ ဇင္းမယ္ေခါင္းေဆာင္ေတြ ေတာင့္ခံမထားနိုင္ေတာ့ပဲ လက္နက္ခ်လိုက္ ရေတာ့တာျဖစ္ပါတယ္။

ဇင္းမယ္အေရးခင္း ျဖစ္ပြားၿပီးေနာက္ မဟာဓမၼရာဇာဟာ စစ္တိုက္ျခင္းေတြကေန အနားယူလိုက္ၿပီး မင္းရဲသိခၤသူ၊ မင္းရဲေက်ာ္စြာ၊ မင္းရဲသီဟသူ၊ မင္းရဲေက်ာ္ထင္ဆိုတဲ့ ညီေတာ္အရင္းႏွစ္ေယာက္နဲ႔ ႏွစ္၀မ္းကြဲ ညီေတာ္ႏွစ္ေယာက္ကို ေထာက္တိုင္ပမာ အသုံးျပဳရင္း ႏိုင္ငံေတာၱၫ္ေဆာက္ေရးလုပ္ငႏ္းေၾတကို လုပ္ေဆာငၡဲ့ပါတယ္။ ေအဒီ၁၆၁၅ခုႏွစ္မွာေတာ့ ရခိုင္ဘုရင္ဟာ ဧရာ၀တီျမစ္၀ကၽြန္းမွာရွိတဲ့ ကြမ္းသီးကၽြန္း၊ အုန္းကၽြန္းတို႔ကို အခြန္ေပးေဆာင္ဖို႔ရာ ဆင့္ဆိုခဲ့ပါတယ္။ အဲဒီနယ္ပယ္ေတြကို သူ႔ရဲ့ပိုင္နက္အျဖစ္ မဟာဓမၼရာဇာက ေတာင္ငူကို သိမ္းပိုက္ၿပီးခ်ိန္မွာ ထည့္သြင္းခဲ့တာျဖစ္ပါတယ္။ ဒါေၾကာင့္မို႔လို႔ ရခိုင္ဘုရင္ရဲ့ ဆင့္ဆိုမႈဟာ သူ႔ရဲ့အခ်ဳပ္အခ်ာအာဏာကို ထိပါးျခင္းျဖစ္တယ္လို႔ မဟာဓမၼရာဇာက မွတ္ယူခဲ့ၿပီး မင္းရဲသီဟသူကို ေတာင္ကုတ္-ဥယ်ာဥ္ပုလမ္းေၾကာင္းအတိုင္း ရခိုင္ကို ခ်ီတက္ တိုက္ခိုက္ဖို႔ရာအတြက္ ေစလႊတ္လိုက္ ပါေတာ့တယ္။ သံတြဲစားဟာ အင္အားအမ်ားအျပားနဲ႔ ခုခံတိုက္ခိုက္ခဲ့ေပမယ့္ ရဲစြမ္းသတိၱနဲ႔ စစ္တိုက္ေတာ္တဲ့ မင္းရဲသီဟသူရဲ့တပ္ေတြကို ဟန႔္တားနိုင္ခဲ့ျခင္း မရွိပါဘူး။ ဒါေၾကာင့္ မင္းရဲသီဟသူဟာ အလြယ္တကူပဲ သိမ္းပိုက္ နိုင္ခဲ့ၿပီး ေညာင္ရမ္းေခတ္ သမိုင္းတစ္ေလ်ာက္ တစ္ဦးတည္းေသာ ရခိုင္ကိုခ်ီတက္ သိမ္းပိုက္ခဲ့တဲ့ စစ္သူႀကီးအျဖစ္ မွတ္တမ္း၀င္ သြားခဲ့ရတာျဖစ္ပါတယ္။

စစ္သားပီသလြန္းလွပါတယ္ေလ

တကယ္ေတာ့ မင္းရဲသီဟသူဟာ တိုင္းျပည္ကေန ေပးအပ္လာတဲ့ တာ၀န္ေတြကို ေက်ပြန္စြာထမ္းေဆာင္ ေနခဲ့ေပမယ့္ သူဟာလည္း လူသားေတြထဲက လူသားတစ္ေယာက္သာျဖစ္တာေၾကာင့္ လူသားဆန္ဆန္ ခံစားတက္တဲ့ ႏွလုံးသားရွိေနမွာ အမွန္ပဲျဖစ္ပါတယ္။ အစ္ကိုႏွစ္၀မ္းကြဲေတာ္စပ္တဲ့ အင္း၀ဘုရင္ မဟာဓမၼရာဇာက ေတာင္ငူကို သိမ္းပိုက္လိုက္ေတာ့ သူဟာ ေတာင္ငူကေန အင္း၀ကိုေရာက္လာခဲ့ရတယ္။ အဲဒီေနာက္ သူ႔ရဲ့အစ္ကိုအႀကီးဆုံး နတ္သၽွင္ေနာင္ဟာ ငဇင္ကာနဲ႔ပူးေပါင္းၿပီး ပုန္ကန္ျခားနားခဲ့တာေၾကာင့္ ႏွစ္၀မ္းကြဲအစ္ကိုမဟာဓမၼရာဇာက အစ္ကိုအရင္းနတ္သၽွင္ေနာင္ကို သူ႔ေရွ႕မွာတင္ ရင္ခြဲၿပီးကြပ္မ်က္ပစ္ခဲ့တယ္။ ေနာက္ၿပီး အစ္ကိုအလတ္ျဖစ္တဲ့ မင္းရဲေက်ာ္စြာကလည္း အစ္ကိုႀကီးနတ္သၽွင္ေနာင္နဲ႔ ငဇင္ကာရဲ့ နိုင္ငံေရးပရိယာယ္ေတြအၾကားမွာ အသက္ဆုံးရႈံးသြားရျပန္တယ္။ ဒါတင္မကေသးပါဘူး။ က်ိဳင္း႐ုံးစစ္ဆင္ေရးအျပန္ ေပးအပ္လိုက္တဲ့ တာ၀န္ေတြကို ေက်ပြန္ေအာင္ ထမ္းေဆာင္နိုင္ျခင္း မရွိဘူးဆိုတဲ့အၾကာင္းျပခ်က္နဲ႔ ညီငယ္ေလးမင္းရဲေက္ာၳင္ဟာ ေထာင္သြင္းအက်ဥ္းခံလိုက္ရတယ္။ မင္းရဲေက်ာ္ထင္ဟာ ေထာင္ထဲမွာတင္ ကြယ္လြန္သြားတာေၾကာင့္ ညီအငယ္ေလးရဲ့အေလာင္းကို သူကိုယ္တိုင္ပဲ သၿဂိဳလ္ေပးခဲ့ရတာျဖစ္ပါတယ္။ ဒါေတြဟာ သူ႔ရဲ့မ်က္စိေရွ႕မွာ ျဖစ္ခဲ့တာေတြမို႔ ေသြးသားရင္းခ်ာတစ္ေယာက္အေနနဲ႔ သူ႔ရင္ထဲမွာ ထိခိုက္ေၾကကြဲရမွာ အမွန္ပါ။ တကယ္လို႔ မင္းရဲသီဟသူသာ သူ႔အစ္ကိုနတ္သၽွင္ေနာင္လို စာေတြေရးတက္ခဲ့မယ္ဆိုရင္ သူ႔ရင္ထဲမွာ ဘယ္ေလာက္ေတာ္ ေၾကကြဲစူးနင့္စြာ ခံစားေနရတယ္ဆိုတာေတြကို ေရးျပသြားခဲ့မွာ ေသခ်ာပါတယ္။ ဒါေပမယ့္ စစ္သားပီသလြန္းတဲ့သူဟာ ပုဂၢိဳေလ္ရးခံစားခ်က္ေတြကို ေဘးဖယ္ထားခဲ့ၿပီး တိုင္းျပည္နဲ႔လူမ်ိဳးအတြက္ တိုက္ပြဲအႀကိမ္ႀကိမ္တိုက္ၿပီး ေအာင္ျမင္မႈေတြ အလီလီရယူေပးနိုင္ခဲ့ပါတယ္။ ဒီလိုရဲစြမ္းသတိၲေတြ သစၥာရွိေပးဆပ္ မႈႏွလုံးသားေတြ ေထြးေပြ႕ထားတဲ့ စစ္သားႀကီးမင္းရဲသီဟသူဟာ ေနာက္ဆုံးအခ်ိန္ထိ စစ္ေျမျပင္မွာပဲ တိုင္းျပည္အတြက္ အသက္ေပးဆပ္သြားခဲ့ရင္း ဂုဏ္ယူဖြယ္သမိုင္းမွတ္တမ္းေတြကို ေရးထိုးသြားခဲ့ပါေတာ့တယ္။

က်မ္းကိုး

ဦးကုလားမဟာရာဇ၀င္ တတိယတြဲ
မင္းဆယ္ပါးရာဇ၀င္
ျမန္မာရာဇ၀င္ စစ္ဘုရင္နဲ႔စစ္တပ္ရဲ့က႑

ေမာင္ဉာဏ္မင္း(ဆားလင္းႀကီး)
ျပည္ခ်စ္သားဂ်ာနယ္

Unicode

စစ်သားပီသလွန်းသောစစ်သား (သို့) မင်းရဲသီဟသူ

မြန်မာနိုင်ငံရဲ့ သမိုင်းတစ်လျောက် ပြန်ကြည့်လိုက်မယ်ဆိုရင် အလွန်ထူးချွန်ထက်မြတ်ခဲ့တဲ့ နိုင်ငံခေါင်းဆောင်ကြီးတွေ ခေတ်အဆက်ဆက် ပေါ်ထွတ်ခဲ့သလို နိုင်ငံခေါင်းဆောင် မဟုတ်ပေမယ့် လက်ရုံးရည်၊ နှလုံးရည်တွေနဲ့ ပြည့်စုံတဲ့သူတွေလည်း အများအပြား ပေါ်ထွတ်ခဲ့တာကို တွေ့ရမှာ ဖြစ်ပါတယ်။ အဲဒီအထဲမှာ ဗဒုံ-မင်းရဲသီဟသူ လည်းပါ၀င်နေတယ်လို့ ဆိုရမှာျဖစ္ပါတယ္။ မင်းရဲသီဟသူဟာ ညောင်ရမ်းခေတ် အနောက်ဘက်လွန်မင်းလက်ထက်မှာ အလွန်ထင်ရှားတဲ့ စစ်သူကြီးတစ်ယောက် လို့ဆိုရမှာပါ။ သူဟာ ၁၆ရာစုအစောပိုင်း မြန်မာစာပေလောကမှာ အနုအရွ စကားလုံးတွေ အလွမ်းအဆွေးတွေနဲ့ ကျော်ကြားခဲ့တဲ့ နတ်သျှင်နောင်ရဲ့ ဒုတိယမြောက်ညီဖြစ်ပါတယ်။ တကယ်တော့ နတ်သျှင်နောင်နဲ့ညီတော်တွေဟာ ဘုရင့်နောင်ရဲ့ ညီတော်အရင်းတောင်ငူမင်းခေါင်ရဲ့သား ရွှေနန်းတည်မင်းက မွေးဖွာလာသူဖြစ်တာကြောင့် မဟာဆီမဟာသွေး ပါသူတွေလို့ဆိုရင် မှားမယ်မထင်ပါဘူး။ ရွှေနန်းတည်မင်းဟာ နတ်သျှင်နောင်၊ မင်းရဲကျော်စွာ၊ မင်းရဲသီဟသူ၊ မင်းရဲကျော်ထင်ဆိုပြီး သားလေးယောက်ကို မွေးဖွားခဲ့တာဖြစ်ပါတယ်။ သူနတ်ရွာစံတဲ့အခါ တောင်ငူထီးနန်းကို သိမ်းပိုက်ခဲ့သူက သားတော်ကြီးနတ်သျှင်နောင်ဖြစ်ပါတယ်။ ဒါပေမယ့် နတ်သျှင်နောင်ရဲ့ တောင်ငူဧကရာဇ်ဘ၀က သိပ်ပြီးတော့ကြာမြင့်ခဲ့ခြင်း မရှိခဲ့ပါဘူး။ ဘာလို့လည်း ဆိုတော့ နတ်သျှင်နောင် တောင်ငူထီးနန်းကိုသိမ်းပိုက်ပြီး လအနည်းငယ်အကြာမှာ ညီအစ်ကိုနှစ်၀မ်းကွဲ တော်စပ်တဲ့ အင်း၀ဘုရင် မဟာဓမၼရာဇာ (အနောက်ဘက်လွန်မင်း)က တောင်ငူကို ၀င်ရောက်သိမ်းပိုက် လိုက်တာကြောင့်ပဲဖြစ်ပါတယ်။ အဲဒီတိုက်ပွဲအပြီးမှာ အင်း၀ဘုရင်ဟာ တောင်ငူထီးနန်းကို မှန်ကင်းချလိုက်ပြီး နတ်သျှင်နောင်ကို မြို့စားကြီးတစ်ယောက်အနေနဲ့ ပြန်လည်ခန့်အပ်ခဲ့ပေမယ့် သူ့ရဲညီတော်ဖြစ်ကြတဲ့ မင်းရဲကျော်စွာ၊ မင်းရဲသီဟသူနဲ့ မင်းရဲကျော်ထင်တို့ကိုတော့ အင်း၀ကိုခေါ်ဆောင် သွားခဲ့တာပါ။ အဲဒါကြောင့်မို့ မင်းရဲသီဟသူဟာ တောင်ငူကနေ အင်း၀ဘုရင်ထံမှာ အမှုထမ်းတစ်ယောက် ဖြစ်လာခဲ့ရတာဖြစ်ပါတယ်။

မင်းရဲသီဟသူ၏ လုပ်ဆောင်ချက်များ

မဟာဓမၼရာဇာဟာ အေဒီ၁၆၁၃ခုနှစ်မှာ သန်လျင်ကိုသိမ်းယူလိုက်ပြီးနောက် အင်း၀ကို ပြန်သွားခြင်း မရှိတော့ဘဲ အဘိုးဖြစ်တဲ့ ဘုရင့်နောင်မင်းတရားကြီး နန်းစိုက်ရာ ဟံသာ၀တီကို ပြောင်းရွှေ့ကာ အုပ်ချုပ်ရေးလုပ်ငန်းတွေကို စတင်ဆောင်ရွတ်ခဲ့ပါတယ်။ သန်လျင်တိုက်ပွဲအပြီးမှာ မြန်မာနိုင်ငံတစ်လွှားကို သိမ်းပိုက်နိုင်ပြီလို့ ယူဆရတဲ့အချိန်မှာပဲ ထား၀ယ်စားဗြသပိုက်ဟာ ယိုးဒယားတွေရဲ့ အကူအညီနဲ့ မဟာဓမၼရာဇာကို ပုန်ကန်ခြားနားပါတယ်။ အဲဒီပုန်ကန်ကို နှိမ်နှင်းဖို့ရာအတွက် တပ်တွေကိုစုဖွဲ့တဲ့အခါ ထင်ရှားတဲ့စစ်သူကြီးဖြစ်ကြတဲ့ မင်းရဲသိင်္ခသူ (သာလွန်မင်း) မင်းရဲသီဟသူနဲ့ ဘယာဂါမဏိတို့ ပါ၀င်ခဲ့ပါတယ်။ ထား၀ယ်စားပြသပိုက်ကို အနိုင်ရပြီးနောက်မှာတော့ မဟာဓမၼရာဇာဟာ မင်းရဲသီဟသူဦးဆောင်တဲ့ တပ်မလေးခုကို တနင်္သာရီသို့ စုံစမ်းစေဆိုပြီး ထပ်မံစေလွှတ်ခဲ့ပါတယ်။ စုံစမ်းစေလို့သာ ရာဇ၀င်ကြီးတွေမှာ ဆိုထားတာကြောင့် တိုက်ခိုက်သိမ်းပိုက်ဖို့ရာထက် အဲဒီနယ်တွေကို ထိမ်းချုပ်ထားတဲ့ ယိုးဒယားတို့ရဲ့ ပကတိအနေအထားကို သိလိုခြင်းကသာ ပိုပြီးအဆင်ပြေတဲ့ အကြောင်းပြချက် ဖြစ်ပါလိမ့်မယ်။ ဒါပေမယ့် မင်းရဲသီဟသူဦးဆောင်တဲ့ တပ်မလေးခုဟာ ဒေသခံလူတွေရဲ့ တိုက်ခိုက်လာမှုတွေနဲ့ ယိုးဒယားကစေလွှတ်လိုက်တဲ့ တပ်အချို့ကိုအနိုင်ရလိုက်တာကြောင့် ရည်မှန်းချက်ကိုကျော်လွန်ကာ တနင်္သာရီဒေသကို သိမ်းပိုက်နိုင်ခဲ့ပါတယ်။

အဲဒီအချိန်မှာပဲ မဟာဓမၼရာဇာဟာ ဇင်းမယ်မှာ ထီးနန်းဆက်ခံရေးနဲ့ပတ်သက်ပြီး မတည်မငြိမ် ဖြစ်နေတာကို အခွင့်ကောင်းယူကာ ချီတက်တိုက်ခိုက်ဖို့ ဆုံးဖြတ်လိုက်ပါတယ်။ အဲဒါေၾကာင့် မင်းရဲသီဟသူဟာ တနင်္သာရီစစ်မြေပြင်ကနေ ဇင်းမယ်စစ်မျက်နှာကို မနားတမ်းချီတက် လိုက်ပါခဲ့ရ တယ်လို့ ဆိုရပါလိမ့်မယ်။ ဇင်းမယ်တိုက်ပွဲဟာ မဟာဓမၼရာဇာအတွက် လွယ်ကူတဲ့အောင်ပွဲတစ်ခုတော့ မဟုတ်ပါဘူး။ ဇင်းမယ်ဘုရင် သတိုးမင်းကျော်နဲ့ နန်းတွင်းခေါင်းဆောင်တွေရဲ့ စီမံကွပ်ကွဲမှု ကောင်းလွန်းတာကြောင့် မဟာဓမၼရာဇာဟာ သူ့သမိုင်းတစ်လျောက် အောင်မြင်မှုမရပဲ ပထမဆုံးအနေနဲ့ ဆုတ်ခွါရတော့မယ့် အခြေအနေျဖစ္ေနပါတယ္။ ညီတော်အရင်း မင်းရဲသိင်္ခသူအပါ၀င် ကျန်တဲ့တပ်မှုးကြီးတွေ အားလုံးကလည်း စစ်ရိကၡာအလွန်နည်းနေပြီဖြစ်လို့ ဒီတစ်ကြိမ်တော့ လက်လျှော့ပါလို့ တောင်းဆိုရတဲ့ အထိ ဖြစ်လာတာတွေက ထင်ရှားတဲ့သက်သေတွေပဲဖြစ်ပါတယ်။ မင်းရဲသီဟသူဟာ အင်အားနည်းနေပြီဖြစ်တဲ့ စစ်သည်တွေကို အရင်ပြန်နှင့်စေပြီး အင်အားကောင်းတဲ့တပ်တွေက ဆက်လက်၀န်းရံထားမယ်ဆိုရင် မကြာခင်အချိန်အတွင်း အရေးတော်ပြီးလိမ့်မယ်လို့ တစ်မူထူးခြားစွာပဲ လျောက်တင်ခဲ့ပါတယ်။ မင်းရဲသီဟသူရဲ့စကားဟာ မှန်ကန်မှုရှိခဲ့ပြီး ဇင်းမယ်နဲ့ လ၀န်းအကြားက အနန်နယ်စားဟာ ရက်အနည်းငယ်အတွင်းမှာ စားနပ်ရိကၡာ တွေအပြည့်နဲ့ မဟာဓမၼရာဇာထံ ခို၀င်လာခဲ့တာကြောင့် နောက်ဆုံးမှာတော့ ဇင်းမယ်ခေါင်းဆောင်တွေ တောင့်ခံမထားနိုင်တော့ပဲ လက်နက်ချလိုက် ရတော့တာဖြစ်ပါတယ်။

ဇင်းမယ်အရေးခင်း ဖြစ်ပွားပြီးနောက် မဟာဓမၼရာဇာဟာ စစ်တိုက်ခြင်းတွေကနေ အနားယူလိုက်ပြီး မင်းရဲသိင်္ခသူ၊ မင်းရဲကျော်စွာ၊ မင်းရဲသီဟသူ၊ မင်းရဲကျော်ထင်ဆိုတဲ့ ညီတော်အရင်းနှစ်ယောက်နဲ့ နှစ်၀မ်းကွဲ ညီတော်နှစ်ယောက်ကို ထောက်တိုင်ပမာ အသုံးပြုရင္း ႏိုင္ငံေတာ္တည္ေဆာက္ေရးလုပ္ငန္းေတြကို လုပ္ေဆာင္ခဲ့ပါတယ်။ အေဒီ၁၆၁၅ခုနှစ်မှာတော့ ရခိုင်ဘုရင်ဟာ ဧရာ၀တီမြစ်၀ကျွန်းမှာရှိတဲ့ ကွမ်းသီးကျွန်း၊ အုန်းကျွန်းတို့ကို အခွန်ပေးဆောင်ဖို့ရာ ဆင့်ဆိုခဲ့ပါတယ်။ အဲဒီနယ်ပယ်တွေကို သူ့ရဲ့ပိုင်နက်အဖြစ် မဟာဓမၼရာဇာက တောင်ငူကို သိမ်းပိုက်ပြီးချိန်မှာ ထည့်သွင်းခဲ့တာဖြစ်ပါတယ်။ ဒါကြောင့်မို့လို့ ရခိုင်ဘုရင်ရဲ့ ဆင့်ဆိုမှုဟာ သူ့ရဲ့အချုပ်အချာအာဏာကို ထိပါးခြင်းဖြစ်တယ်လို့ မဟာဓမၼရာဇာက မှတ်ယူခဲ့ပြီး မင်းရဲသီဟသူကို တောင်ကုတ်-ဥယျာဉ်ပုလမ်းကြောင်းအတိုင်း ရခိုင်ကို ချီတက် တိုက်ခိုက်ဖို့ရာအတွက် စေလွှတ်လိုက် ပါတော့တယ်။ သံတွဲစားဟာ အင်အားအများအပြားနဲ့ ခုခံတိုက်ခိုက်ခဲ့ပေမယ့် ရဲစွမ်းသတိၱနဲ႔ စစ်တိုက်တော်တဲ့ မင်းရဲသီဟသူရဲ့တပ်တွေကို ဟန့်တားနိုင်ခဲ့ခြင်း မရှိပါဘူး။ ဒါကြောင့် မင်းရဲသီဟသူဟာ အလွယ်တကူပဲ သိမ်းပိုက် နိုင်ခဲ့ပြီး ညောင်ရမ်းခေတ် သမိုင်းတစ်လျောက် တစ်ဦးတည်းသော ရခိုင်ကိုချီတက် သိမ်းပိုက်ခဲ့တဲ့ စစ်သူကြီးအဖြစ် မှတ်တမ်း၀င် သွားခဲ့ရတာဖြစ်ပါတယ်။

စစ်သားပီသလွန်းလှပါတယ်လေ

တကယ်တော့ မင်းရဲသီဟသူဟာ တိုင်းပြည်ကနေ ပေးအပ်လာတဲ့ တာ၀န်တွေကို ကျေပွန်စွာထမ်းဆောင် နေခဲ့ပေမယ့် သူဟာလည်း လူသားတွေထဲက လူသားတစ်ယောက်သာဖြစ်တာကြောင့် လူသားဆန်ဆန် ခံစားတက်တဲ့ နှလုံးသားရှိနေမှာ အမှန်ပဲဖြစ်ပါတယ်။ အစ်ကိုနှစ်၀မ်းကွဲတော်စပ်တဲ့ အင်း၀ဘုရင် မဟာဓမၼရာဇာက တောင်ငူကို သိမ်းပိုက်လိုက်တော့ သူဟာ တောင်ငူကနေ အင်း၀ကိုရောက်လာခဲ့ရတယ်။ အဲဒီနောက် သူ့ရဲ့အစ်ကိုအကြီးဆုံး နတ်သျှင်နောင်ဟာ ငဇင်ကာနဲ့ပူးပေါင်းပြီး ပုန်ကန်ခြားနားခဲ့တာကြောင့် နှစ်၀မ်းကွဲအစ်ကိုမဟာဓမၼရာဇာက အစ်ကိုအရင်းနတ်သျှင်နောင်ကို သူ့ရှေ့မှာတင် ရင်ခွဲပြီးကွပ်မျက်ပစ်ခဲ့တယ်။ နောက်ပြီး အစ်ကိုအလတ်ဖြစ်တဲ့ မင်းရဲကျော်စွာကလည်း အစ်ကိုကြီးနတ်သျှင်နောင်နဲ့ ငဇင်ကာရဲ့ နိုင်ငံရေးပရိယာယ်တွေအကြားမှာ အသက်ဆုံးရှုံးသွားရပြန်တယ်။ ဒါတင်မကသေးပါဘူး။ ကျိုင်းရုံးစစ်ဆင်ရေးအပြန် ပေးအပ်လိုက်တဲ့ တာ၀န်တွေကို ကျေပွန်အောင် ထမ်းဆောင်နိုင်ခြင်း မရှိဘူးဆိုတဲ့အကြာင်းပြချက်နဲ့ ညီငယ္ေလးမင္းရဲေက်ာ္ထင္ဟာ ထောင်သွင်းအကျဉ်းခံလိုက်ရတယ်။ မင်းရဲကျော်ထင်ဟာ ထောင်ထဲမှာတင် ကွယ်လွန်သွားတာကြောင့် ညီအငယ်လေးရဲ့အလောင်းကို သူကိုယ်တိုင်ပဲ သဂြိုလ်ပေးခဲ့ရတာဖြစ်ပါတယ်။ ဒါတွေဟာ သူ့ရဲ့မျက်စိရှေ့မှာ ဖြစ်ခဲ့တာတွေမို့ သွေးသားရင်းချာတစ်ယောက်အနေနဲ့ သူ့ရင်ထဲမှာ ထိခိုက်ကြေကွဲရမှာ အမှန်ပါ။ တကယ်လို့ မင်းရဲသီဟသူသာ သူ့အစ်ကိုနတ်သျှင်နောင်လို စာတွေရေးတက်ခဲ့မယ်ဆိုရင် သူ့ရင်ထဲမှာ ဘယ်လောက်တော် ကြေကွဲစူးနင့်စွာ ခံစားနေရတယ်ဆိုတာတွေကို ရေးပြသွားခဲ့မှာ သေချာပါတယ်။ ဒါပေမယ့် စစ်သားပီသလွန်းတဲ့သူဟာ ပုဂၢိဳလ္ရေးခံစားချက်တွေကို ဘေးဖယ်ထားခဲ့ပြီး တိုင်းပြည်နဲ့လူမျိုးအတွက် တိုက်ပွဲအကြိမ်ကြိမ်တိုက်ပြီး အောင်မြင်မှုတွေ အလီလီရယူပေးနိုင်ခဲ့ပါတယ်။ ဒီလိုရဲစွမ်းသတိၲတွေ သစၥာရှိပေးဆပ် မှုနှလုံးသားတွေ ထွေးပွေ့ထားတဲ့ စစ်သားကြီးမင်းရဲသီဟသူဟာ နောက်ဆုံးအချိန်ထိ စစ်မြေပြင်မှာပဲ တိုင်းပြည်အတွက် အသက်ပေးဆပ်သွားခဲ့ရင်း ဂုဏ်ယူဖွယ်သမိုင်းမှတ်တမ်းတွေကို ရေးထိုးသွားခဲ့ပါတော့တယ်။

ကျမ်းကိုး

ဦးကုလားမဟာရာဇ၀င် တတိယတွဲ
မင်းဆယ်ပါးရာဇ၀င်
မြန်မာရာဇ၀င် စစ်ဘုရင်နဲ့စစ်တပ်ရဲ့ကဏ္ဍ

မောင်ဉာဏ်မင်း(ဆားလင်းကြီး)
ပြည်ချစ်သားဂျာနယ်