ဖျားနာပြီး အသက်ရှူ ကြပ်နေသည့် ဆရာတော်တစ်ပါး ထားဝယ်ဆေးရုံ အရေးပေါ်ဌာနသို့ ရောက်ရှိလာပြီးနောက် သေဆုံးမှု ဖြစ်ပွား

တနသာင်္ရီတိုင်းဒေသကြီး ထားဝယ်မြို့ရှိ ထားဝယ်ပြည်သူ့ ဆေးရုံကြီးတွင် ဧပြီလ ၁ ရက် ညနေပိုင်းက အသက်ရှူကြပ်ကာ ဖျားနာနေသည့် ဆရာတော် တစ်ပါး ဆေးရုံအရေးပေါ် ဌာနသို့ ရောက်ရှိလာပြီးနောက် သေဆုံးမှုဖြစ်ပွားခဲ့ပြီး ၎င်း၏ ဓာတ်ခွဲနမူနာကို ရယူကာ ရန်ကုန်မြို့သို့ ပေးပို့စစ်ဆေးသွားမည် ဖြစ်ကြောင်း သိရသည်။ထားဝယ်ခရိုင် လောင်းလုံးမြို့နယ် တီဇစ်ကျေးရွာမှ အဆိုပါ ဆရာတော်မှာ ပြီးခဲ့သည့်ရက်ပိုင်းက ရန်ကုန်မြို့မှ ပြန်လည် ရောက်ရှိလာခြင်းဖြစ်ပြီး အသက်ရှူကြပ်ကာ ဖျားနာသောကြောင့် လောင်းလုံးပြည်သူ့ဆေးရုံသို့ တင်ပို့ခဲ့ရာမှ အခြေအနေ စိုးရိမ်ရသဖြင့် ထားဝယ်ပြည်သူ့ ဆေးရုံကြီးသို့ လွှဲပြောင်းတင်ပို့ခဲ့ရာ ဆေးရုံသို့ ရောက်ရှိပြီးနောက် သေဆုံးသွားခဲ့ခြင်း ဖြစ်ကြောင်း သိရသည်။

“ဘုန်းကြီးတစ်ပါး လောင်းလုံးကနေ Refer (လွှဲပြောင်းပေး) လုပ်ပြီးတော့ OPT မှာပဲ ဆုံးသွားတယ်။ History ကတော့ အသက်ရှူကြပ်တယ်၊ ဖျားတယ်ဆိုပြီးတော့လေ။ သူကအမှန်တော့ ရန်ကုန်မှာ နှစ်လလောက် နေလာတာတဲ့။ ရန်ကုန်ကနေ ၃၀ ရက်နေ့ (မတ်လ) မှာ ထားဝယ် ပြန်ရောက်တာပေါ့နော်။ ပြန်ရောက်ပြီးတော့ ဖျားပြီးတော့ မောလာလို့ ဆိုပြီးတော့ လောင်းလုံးဆေးရုံ ရောက်တယ်။ လောင်းလုံးဆေးရုံက တစ်ခါ refer လုပ်လိုက်တာ။ ထားဝယ်ဆေးရုံ OPT (အရေးပေါ်ဌာန) မှာပဲ ဆုံးသွားတာ။ သူ့ကိုတော့ swab (ဓာတ်ခွဲစစ်ဆေးမည့် လည်ချောင်းတို့ဖတ်) တော့ ယူထားတယ်ပေါ့နော်။ Swab ယူပြီးတော့ ဆက်ပို့မယ်ပေါ့နော်။ လူကတော့ ရေခဲတိုက်မှာ ထားပြီးတော့၊ သူနဲ့ Contacts တွေ အကုန်လုံးကိုတော့ Quarantine လုပ်ရမှာပေါ့နော်” ဟု တိုင်းဒေသကြီး ပြည်သူ့ကျန်းမာရေး ဦးစီးဌာန၏ ပြောရေးဆိုခွင့်ရှိသူ ဒေါက်တာထွေးမြစိုးက ဧပြီလ ၁ ရက်နေ့ ည ၈ နာရီအချိန်တွင် ထားဝယ်အခြေစိုက် မီဒီယာများကို ပြောသည်။

အဆိုပါ ဆရာတော်မှာ လောင်းလုံးမြို့နယ် ပြည်သူ့ဆေးရုံထံ ဧပြီလ ၁ ရက်နေ့တွင် ရောက်ရှိလာခဲ့ပြီး ဆေးရုံသို့ ရောက်ရှိလာချိန်တွင် အသက်ရှူကြပ်နေသောကြောင့် အောက်စီဂျင်ပမာဏ တိုင်းတာရာ အခြေအနေ မကောင်းသည့်အတွက် ထားဝယ်ပြည်သူ့ဆေးရုံကြီး အရေးပေါ်ဌာန (OPT) သို့ ချက်ချင်းလွှဲပြောင်းခဲ့ပြီး ထားဝယ်ပြည်သူ့ ဆေးရုံကြီးထံသို့ ရောက်ရှိလာချိန်တွင် သေဆုံးသွားခဲ့ခြင်းဖြစ်ကြောင်း၊ အဆိုပါ ဆရာတော်မှာ လောင်းလုံးမြို့နယ် တီဇစ်ကျေးရွာမှဖြစ်ပြီး လက်ရှိတွင် ဆရာတော်နှင့် ထိတွေ့ဆက်ဆံခဲ့သူများ၏ အချက်အလက်များကို စုံစမ်းရှာဖွေနေကြောင်းနှင့် အသေးစိတ် အချက်အလက်များ သိရှိရခြင်း မရှိသေးကြောင်း ဒေါက်တာထွေးမြစိုးက ပြောကြားသည်။

လက်ရှိတွင် ဆရာတော်အား ကူးစက်ရောဂါလူနာ သေဆုံးသည့် အခြေအနေဖြင့် သေချာထုတ်ပိုးကာ ပိုးသတ်ပြီး PPE ဝတ်စုံများ ဝတ်ဆင်၍ ည ၇ နာရီကျော် အချိန်တွင် ဆေးရုံရှိရေခဲတိုက်သို့ ပို့ဆောင်ပေးထားခဲ့ကြောင်း၊ ၎င်းဆရာတော်မှာ အသက် ၅၆ နှစ်အရွယ်ဖြစ်ပြီး ရန်ကုန်မြို့မှ စင်းလုံးဌား မော်တော်ယာဉ်ဖြင့် တီဇစ်ကျေးရွာရှိ တီဇစ်ကျေးရွာ အထက်ကျောင်းတိုက်သို့ လွန်ခဲ့သည့် ၂ ရက်ခန့်က ရောက်ရှိလာခဲ့ပြီးနောက် ဖျားနာခြင်း၊ ချောင်းဆိုးခြင်း၊ အော့အန်ခြင်း လက္ခဏာများ ဖြစ်ပွားခဲ့ကြောင်း ဆေးရုံသို့ သွားရောက်ကူညီခဲ့သည့် ဇမ္ဗူသီရိ အရေးပေါ်လူနာ ကူညီသယ်ဆောင်ရေး အဖွဲ့ဥက္ကဋ္ဌ ကိုနိုင်မျိုးသွင်က ပြောကြားသည်။

တနသာင်္ရီတိုင်း ဒေသကြီး အတွင်းသို့ ယခုရက်ပိုင်းအတွင်း ပြည်ပမှ ပြန်လည်ဝင်ရောက်လာသူ ဦးရေမှာ ဧပြီလ ၁ ရက်နေ့အထိ တိုင်းဒေသကြီး အစိုးရအဖွဲ့ထံမှ ရရှိထားသည့် စာရင်းများအရ ထားဝယ်ခရိုင်တွင် ၂၂၈၇ ဦး၊ မြိတ်ခရိုင်တွင် ၁၂၂၇ ဦးနှင့် ကော့သောင်းခရိုင်တွင် ၂၄၆ ဦး စုစုပေါင်း ၃၇၆၀ ဦးရှိကြောင်း သိရသည်။

ref:Eleven Media Group