“Lock Down ချထားတာကို မလိုက်နာရင်၊ ပြဿနာဖန်တီးရင် သေနတ်နဲ့ ပစ်သတ်ခံရမယ်” လို့ သမ္မတဒူတာတေး သတိပေး 

ခုလို ကိုရိုနာဗိုင်းရပ်စ် အကျပ် အတည်း ကာလမှာ ပြဿနာ ရှာသူတွေကို ရဲနဲ့ စစ်တပ်နဲ့ ပစ်သတ်ခိုင်းမယ်လို့ ဖိလစ်ပိုင်သမ္မတ ရိုဒရီဂို ဒူတာတေးက သတိပေးပြောလာပါတယ်။ ကိုရိုနာဗိုင်းရပ်စ် ကူးစက်ဖြစ်ပွားမှု ရပ်တန့်ရေး လူဇွန်ကျွန်းမှာ လနဲ့ချီတဲ့ lockdown ချထားတဲ့ ကာလအတွင်း ပြဿနာဖန်တီးသူ ဘယ်သူကိုမဆို ရဲနဲ့ စစ်တပ်က ပစ်သတ်ပစ်ဖို့ အမိန့် ထုတ်ရလိမ့်မယ်လို့ ဒူတာတေးက သတိပေးတာ ဖြစ်ပါတယ်။“အားလုံးကို သတိပေးထားမယ်။ ကျွန်တော်တို့ ထုတ်ထားတဲ့ အမိန့်ထုတ်ဟာ တကယ့်ကို သေရေးရှင်ရေး အရေးကြီးတယ်။ ဒါကြောင့် ခုချိန်မှာ အစိုးရစကားကို နားထောင်ကြပါ။”လို့ သမ္မတ ဒူတာတေးက ဧပြီ ၁ ရက် ညပိုင်းက ရုပ်မြင်သံကြားကနေ နိုင်ငံတော်မိန့်ခွန်းမှာ ပြောခဲ့ပါတယ်။

“နောက်ပြီးတော့ ကျန်းမာရေးဝန်ထမ်းတွေ၊ ဆရာဝန်တွေကို ထိခိုက်အောင် မလုပ်ကြဖို့ လိုတယ်။ ဒါဟာ ကြီးလေးတဲ့ ရာဇဝတ်မှုပဲ။ တကယ်လို့ တစ်ယောက်ယောက်က ပြဿနာရှာတယ်ဆိုရင် ဒီလို လူတွေအသက်က စိုးရိမ်စရာပဲ။ ကျုပ်ကတော့ ရဲနဲ့ စစ်တပ်ကို အမိန့်ပေးရလိမ့်မယ်၊ ဒီလို လူတွေကို ပစ်သတ်ပစ်လို့ အမိန့်ထုတ်မှာပဲ ဖြစ်တယ်။”လို့ ဒူတာတေးက ပြောပါတယ်။

ကွီဇွန်မြို့ ဆင်းရဲသားရပ်ကွက်က ပြည်သူတွေဟာ ပြီးခဲ့တဲ့ သီတင်းနှစ်ပတ်ကျော် lockdown စချချိန်ကစပြီး ဘာ စားနပ်ရိက္ခာ ထောက်ပံ့မှုမှ မရသလို အခြား အကူအညီတွေလည်း မရကြဘူးလို့ ဆိုပြီး ၎င်းတို့ရဲ့ တဲအိမ်တွေနားက အမြန်လမ်းမမှာ ဆန္ဒပြကြပြီးနောက် ဒူတာတေးရဲ့ အခု သတိပေးချက် ထွက်ပေါ်လာတာပဲ ဖြစ်ပါတယ်။

ဆန္ဒပြသူတွေကို ကျေးရွာလုံခြုံရေး တာဝန်ရှိသူတွေနဲ့ ရဲတွေက ကိုယ့်ကိုကို ပြန်ကြဖို့ တိုက်တွန်းပေမယ့် သူတို့တွေက ငြင်းဆန်ကြတယ်လို့ ရဲအစီရင်ခံစာမှာ ဖော်ပြပါတယ်။ ရဲက ဆန္ဒပြမှုကို ဖြိုခွင်းပြီး လူ ၂၀ ကို ဖမ်းဆီးခဲ့ကြောင်း အဲဒီ အစီရင်ခံစာက ဆိုပါတယ်။ ကိုရိုနာဗိုင်းရပ်စ်ကြောင့်ဖြစ်ပွားသော COVID-19 ရောဂါ ကူးစက်ဖြစ်ပွားသူ ဖိလစ်ပိုင်နိုင်ငံအတွင်းမှာ ၂၃၁၁ ဦး ရှိကြောင်း ကျန်းမာရေးအာဏာပိုင်တွေက ထုတ်ပြန်ထားပါတယ်။ COVID-19 ကြောင့် သေဆုံးသူ ၉၆ ဦး ရှိပါတယ်။

Rf; Aljazeera
Writer_ မောင်သံဆင့်(XYZ News)