မေ နာ ရဲ့ ဒီ သီချင်း ကြောင့် ကျောင်း သားတွေ တောင်း ပန် ခိုင်းပြီ

တေး သံရှင်မနော ရဲ့ လူပျို MTV ဟာ ရတနာပုံတက္ကသိုလ် ရဲ့ ဂုဏ်သိက္ခာ ကို ထိခိုက်စေတဲ့ အတွက် တစ်ပတ်အ တွင်းပြန်လည် တောင်း ပန်ဖို့ တက္ကသိုလ် ကျောင်းသားတချို့က တောင်းဆို လိုက်ပါတယ်။တေးသံရှင် မနောပါဝင် သီဆိုသရုပ်ဆောင်ထားပြီး ဒါရိုက် တာ သူကျော်သူ ရိုက် ကူးထားတဲ့ လူပျို တေးသီချင်းရုပ်သံဟာ ရတနာပုံတက္ကသိုလ် ကျောင်းအုပ်ချုပ်ရေးအဖွဲ့ရဲ့ ခွင့်ပြုချက်မရှိပဲ တက္ကသိုလ် ဝန်းအတွင်းမှာ ရိုက်ကူးထားတာ၊ ရုပ်သံမှာ သရုပ်ဆောင်ထားမှုတွေဟာ ရတနာပုံ တက္ကသိုလ် ကျောင်းသားကျောင်းသူတွေ နဲ့ ဆရာဆရာမတွေ ရဲ့ ဂုဏ်သိက္ခာကို ကျဆင်းတဲ့ ပုံစံမျိုး ဖြစ်နေတယ်လို့ ရတနာပုံ တက္ကသိုလ် ကျောင်းသား ကျောင်းသူ တစ်ချို့က ပြောပါတယ်။ ဒီ MTV ရုပ်သံဟာ တက္ကသိုလ် ရဲ့ ဂုဏ်သိက္ခာထိခိုက်စေတဲ့ အတွက် ကျောင်းအုပ်ချုပ်ရေး တာဝန်ရှိသူတွေထံ တစ်ပတ်အတွင်း တောင်းပန်ဖို့ကိုလည်း ဇူလိုင်လ ၁ ရက်နေ့မှာ တက္ကသိုလ် ကျောင်းသားတွေက သတင်းစာရှင်းလင်းပွဲ ပြုလုပ်ခဲ့ပါတယ်။

ရတနာပုံတက္ကသိုလ် ရှေးဟောင်း သုတေသနပညာ တက်ရောက်နေတဲ့ တတိယနှစ် ကျောင်းသား ကိုမျိုးချစ်ဇော် က “လွန်ခဲ့တဲ့ ရက်ပိုင်းအတွင်းကဗျ၊ အဆိုတော် မနောကနေပြီးတော့ သူ့ရဲ့ ဖေ့စ်ဘွတ်ခ်ပေ့ခ်ျကနေပြီးတော့ တင်ထားတဲ့ လူပျိုဆိုတဲ့ တေးသီချင်း MTV ပေါ့။ သရုပ်ဆောင် ရိုက်ကူးပြီးတော့ တင်ထားခဲ့တယ်။ အဲ့ဒီရဲ့ MTV မှာ ပါဝင်တဲ့ သရုပ်ဆောင် ရိုက်ကူးထားမှုတွေဟာ ကျနော်တို့ လက်ရှိ ရတနာပုံတက္ကသိုလ်ကျောင်းသား ကျောင်းသူတွေ ရဲ့ ဂုဏ်သိက္ခာ အသရေကို ညှိုးနွမ်းစေတဲ့အတွက် ကိုမနော သိအောင် ဆိုတာရယ်၊ နောက်တစ်ချက်က ကိုမနော တို့ အနေနဲ့ ပါဝင်သရုပ်ဆောင်ထားတဲ့ သရုပ်ဆောင်တွေကနေပြီးတော့ ကျနော်တို့ ရတနာပုံတက္ကသိုလ် ကျောင်းသားကျောင်းသူတွေ နဲ့ ကျောင်းအုပ်ချုပ်ရေးအဖွဲ့ကို တစ်ပတ်အတွင်း ပြန်လည်တောင်းပန်ဖို့အတွက် ကျနော်တို့ ဒီကနေ့ သတင်းစာရှင်းခြင်းပွဲ လုပ်ရခြင်းဖြစ်ပါတယ်။” လို့ ပြောပါတယ်။

ရတနာပုံတက္ကသိုလ် ဝင်းအတွင်း ရိုက်ကူး ထားတဲ့ လူပျို တေးသီချင်း MTV မှာ ပါဝင်တဲ့ သရုပ်ဆောင် အမူအရာတွေနဲ့ စာသားတွေဟာ ရတနာပုံ တက္ကသိုလ်ကျောင်းသူတွေသာမက အမျိုးသမီးထု အပေါ်မှာပါ ခန္ဓာကိုယ်ကို ကြည့်ပြီး လှောင်ပြောင် သရော်တာ မဖွယ်မရာ ပြုလုပ်ဖို့ အသံပြုခြင်း၊အမျိုးသမီးထုရဲ့ စိတ်ပိုင်း၊ ရုပ်ပိုင်း၊ လိင်ပိုင်းဆိုင်ရာ ကိုပါ ထိပါးနှောင့်ယှက်တဲ့ ပုံစံဖြစ်နေတယ်လို့ ဆိုပါတယ်။

ဒီ ရုပ်သံတေးသီချင်းဟာ ကျောင်းသူတွေ ရဲ့ ဂုဏ်ကျက်သရေကို ညှိုးနွမ်းစေတဲ့ ပုံရိပ်တွေ ဖြစ်နေတယ်လို့ နိုင်ငံတကာဆက်ဆံရေးဘာသာရပ်၊တတိယနှစ်ကျောင်းသူ မနီနီဖြိုးအိမ့်က ဆိုပါတယ်။ “အမူအရာ လုပ်တဲ့ပုံစံ ဆိုရင်တော့ ကျမ တို့ ဒီ ကိုယ်ဟန် အမူအရာ၊အမူအထားတွေအရရော ပေါ့နော်၊ သီချင်းရဲ့ စာသားတွေ တချို့ပေါ့နော်။ ကျောင်းပုံရိပ်အနေနဲ့၊ဒါကတော့ ကျမတို့ ရတနာပုံ တက္ကသိုလ်မှ မဟုတ်ပါဘူး။ ဘယ်တက္ကသိုလ် မဆို ဒီလို ပုံရိပ်မျိုးက မရှိသင့်တဲ့ ပုံရိပ်မျိုး ဖြစ်ပါတယ်။” လို့ ပြောပါတယ်။

ဒီ MTV နဲ့ ပတ်သက်ပြီး တစ်ပတ်အတွင်း တောင်းပန်ပေး ဖို့ကိုလည်း တေးသံရှင်မနော၊ မြန်မာနိုင်ငံ ဂီတအစည်းအရုံး(မန္တလေး)၊ ရတနာပုံတက္ကသိုလ် တာဝန်ရှိသူတွေ၊ မြန်မာနိုင်ငံ အမျိုးသမီးရေးရာအသင်းနဲ့ တက္ကသိုလ်ကျောင်းသား သမဂ္ဂတွေထံ အကြောင်းကြားစာ ပေးပို့သွားဖို့ ရှိပါတယ်။ တေးသံရှင် မနော ရဲ့ လက်ကိုင်ဖုန်း ကို ဆက်သွယ်မေးမြန်းခဲ့ရာမှာ မန်နေဂျာ ဆိုသူက ကိုမနောကို အကြောင်းကြားပေးမှာ ဖြစ်ပြီး ထပ်မံဆက်သွယ်ဖို့ ပြောကြားခဲ့ကာ ထပ်မံဆက်သွယ်တဲ့ အခါမှာ လည်း ဖုန်းပြန်လည်ဖြေကြားခြင်း မရှိပါဘူး။

သတင်း-ထိန်ထိန်လင်း