“ဆိုရှယ်မီဒီယာနှင့် လူမှုကွန်ရက် စာမျက်နှာများသည် မဲဆွယ်ရမည့် ပလက်ဖောင်းတစ်ခုဖြစ်လာမည်” ဟု မုံရွာအောင်ရှင်ပြော

ဆိုရှယ်မီဒီယာများနှင့် လူမှုကွန်ရက် စာမျက်နှာများသည့် မဲဆွယ်ရမည့် ပလက်ဖောင်းတစ်ခုဖြစ်လာမည်ဟု အမျိုးသားဒီမို ကရေစီအဖွဲ့ချုပ်ပါတီဗဟိုပြန်ကြားရေး ကော်မတီဝင် မုံရွာအောင်ရှင်ကပြောဆိုသည်။”Social Media က Platform တစ်ခု ဖြစ်လာနိုင်တာပေါ့။ ဒါကနောက်ပိုင်းပြောနေတဲ့ New Normal လို့ ပြောနေကြတာပဲ။ New Normal ပုံစံနဲ့ပဲ ကျွန်တော်တို့ကိုယ့်ပါတီအနိုင်ရရေး ဝါဒဖြန့်ကြရမှာလေ။ Social Media Platform က အများကြီးကျယ်ပြန့်လာ မယ်” ဟု ၎င်းကပြောဆိုသည်။

ကိုဗစ်ကာလကြောင့် မဲဆွယ်ရန်အခက်အခဲရှိနေခြင်းသည် နိုင်ငံရေးပါတီတစ်ခုတည်းမဟုတ်ဘဲ ပါတီအားလုံးရင်ဆိုင်ရမည့် ပြဿနာတစ်ခုဖြစ်ကြောင်း၊ ယင်းသို့ ပါတီအားလုံးရင်ဆိုင်ရမည့်ပြဿနာကို ကိုယ့်နည်းကိုယ့်ဟန်ဖြင့်သာ ဖြတ်သန်းကြရမည် အားလုံးညီတူမျှတူသာ ဖြစ်သည်ဟု မုံရွာအောင်ရှင်က ဆက်လက်ပြောဆိုသည်။

“မဲဆွယ်စည်းရုံးမှုက ပုံစံပြောင်းနိုင်စရာရှိတယ်။ အခြေအနေအရ ဒီအတိုင်းဖြစ်နေတာကိုး။ ကိုယ့်နည်းကိုယ့်ဟန်နဲ့ သွားကြလုပ်ကြရုံရှိတာပဲ။ NLD လည်း သူများလုပ်သလိုပါပဲ ကျွန်တော်တို့ကအခွင့်အရေးတွေ အများကြီးရပြီးတော့ လုပ်နေတဲ့ပုံစံမျိုးမရှိပါဘူး။ အခြားနိုင်ငံရေးပါတီတွေလုပ်သလို ကျွန်တော်တို့လည်း လုပ်ကြရတာပဲ” ဟုလည်း ထပ်မံရှင်းပြသည်။

ရွေးကောက်ပွဲကော်မရှင်အနေနှင့် ၂၀၂၀ ပြည့်နှစ် ပါတီစုံအထွေထွေရွေးကောက်ပွဲကို လာမည့်နိုဝင်ဘာလ ၈ ရက်နေ့တွင် ပြုလုပ်မည်ဟု ကြေညာလိုက်ခြင်းသည် ပါဝင်ယှဉ်ပြိုင်မည့်ပါတီများ အချိန်များများရပြီး ကြိုတင်ပြင်ဆင်ချိန်ရှိစေရန်ဟု ယူဆကြောင်း မုံရွာအောင်ရှင်က ဆက်လက်ပြောဆိုသည်။

“ကိုဗစ်ကာလဖြစ်နေတော့ အချို့က ကိုဗစ်ကာလကြောင့် ရွေးကောက်ပွဲကိုပဲ ရွှေ့တော့မလို၊ ပြောင်းတော့မလို။ ပြောင်းရင် ရွှေ့ရင်လည်း လက်မခံဘူးလို့ ပြောနေကြတာတွေရှိတယ်။ အခုလို စောစောစီးစီး ကြေညာလိုက်တာ ကျွန်တော်ကတော့ ကြိုဆိုပါတယ်။ ရွေးကောက်ပွဲဝင်မယ့် နိုင်ငံရေးပါတီတွေ ပိုပြီးအဆင်သင့် ဖြစ်အောင်၊ ပိုပြီးတော့အချိန်ရအောင်လုပ်ပေးလိုက်တယ်လို့ မြင်တယ်” ဟု ၎င်းကပြောဆိုသည်။

ref:The Voice