တရုတ် ကို ဝိုင်းထား တဲ့ ဒီမိုကရေစီ ၄ နိုင်ငံ မဟာ မိတ်ပြုလိုက်ပြီ

တောင် တရုတ်ပင်လယ်မှ တရုတ်နိုင်ငံ၏ မဟာဗျူဟာမြောက် အခွင့်အရေး ရှာဖွေရေး ဝါဒက ၎င်း၏ အိမ်နီးချင်း နိုင်ငံငယ်များ သွေးကွဲ စေရုံသာမက စိတ်တူသဘောတူ အင်ဒိုပစိဖိတ် အင်အားကြီးနိုင်ငံများ၏ တရုတ်ဆန့်ကျင်ရေး လေးပွင့်ဆိုင် မဟာမိတ်ဖွဲ့စည်းမှုကိုလည်း ပိုမို လျှင်မြန်စွာ အားဖြည့်ပေးနေသည်။ပြီးခဲ့သည့်လတွင် အမေရိကန်က ဒီမိုကရက်တစ်မဟာမိတ်များ၊ မိတ်ဖက်များဖြစ် ကြသော သြစတြေးလျ၊ ဂျပန်နှင့် အိန္ဒိယ တို့နှင့်အတူ ပစိဖိတ်နှင့် အိန္ဒိယသမုဒ္ဒရာတွင် ရေတပ်စစ်ရေးလေ့ကျင့်မှုများ တပြိုင်နက်တည်း ပြုလုပ်ခဲ့သည်။ အဆိုပါ ၄ နိုင်ငံသည် အမြဲတမ်း မဟုတ်သည့် “၄ နိုင်ငံ အပြန်အလှန်” ကာကွယ်ရေး အစီအစဉ်ကို ဖွဲ့စည်းခဲ့ကြသည်။ အာဏာရှင် တရုတ်နိုင်ငံ ပတ်ဝန်းကျင်တွင် “အာရှ၏ ဒီမိုကရေစီ စက်ဝန်းပိုင်း” တခုကို ထူထောင်ရန် ရည်ရွယ်သည့် သဘောတရား ဖြစ်သည်။

ပြီးခဲ့သည့် စစ်ရေးလေ့ကျင့်မှုများသည် တောင်တရုတ်ပင်လယ်နှင့် ပတ်သက်၍ အမေရိကန်၏ အဓိက မူဝါဒ ထုတ်ပြန်ချက်နှင့် တိုက်ရိုက် ပတ်သက်နေသော နောက်ဆက်တွဲဖြစ်သည်။ အမေရိကန်နိုင်ငံခြားရေးဝန်ကြီး Mike Pompeo က အငြင်းပွားနေသော ရေကြောင်းဧရိယာတွင် တရုတ်နိုင်ငံ၏ ကျယ်ပြန့်သော တောင်းဆိုမှုများသည် “တရားမဝင်” ဟု ကြေညာခဲ့ပြီး ထိုနေရာများအတွက် တောင်းဆိုနေသည့် အရှေ့တောင် အာရှနိုင်ငံများကို အတိအလင်းပင် ကျောထောက်နောက်ခံပေးခဲ့သည်။

ယခုအခါ အမေရိကန်က အိန္ဒိယကို လေးပွင့်ဆိုင်၏ ခိုင်မာသော ထောက်တိုင် တခု အဖြစ် တက်ကြွစွာ ဆွဲဆောင်နေသည်။ ပထမဆုံးအနေဖြင့် အိန္ဒိယနိုင်ငံကို အမေရိကန်က လက်ခံကျင်းပသော G7 ထိပ်သီးအစည်းအဝေးတခုသို့ တက်ရောက်ရန် ဖိတ်ကြားခံခဲ့ရသည်။ အစဉ်အလာအရဆိုလျှင် အနောက်တိုင်းနှင့် ဂျပန် ခေါင်းဆောင်များ စုရုံးကြသည့် အစည်းအဝေးဖြစ်သည်။ တရုတ်ကို တန်ပြန်သည့် လှုပ်ရှားမှု တခုအနေဖြင့် ရုရှား၊ တောင်ကိုရီးယားနှင့် သြစတြေးလျနိုင်ငံများ အပါအဝင် အဖွဲ့ဝင် ၁၁ နိုင်ငံ အထိ တိုးချဲ့ထားသော ထိပ်သီးအစည်းအဝေးတခုကို အိမ်ရှင်အဖြစ် လက်ခံပြုလုပ်ရန် ရည်ရွယ်ထားကြောင်း အမေရိကန်သမ္မတ Donald Trump က ကြေညာခဲ့သည်။

AUSINDEX ပူးတွဲစစ်ရေးလေ့ကျင့်မှုတွင် ဩစတြေးလျ ရေတပ်အရာရှိက အိန္ဒိယ ရေတပ်သားများကို ရှင်းလင်းပြသစဉ်

နွေးထွေးလာသော အမေရိကန်-အိန္ဒိယ မဟာဗျူဟာမြောက် ဆက်ဆံမှုများက ဟိမဝန္တာ ဒေသတွင် တရုတ်နိုင်ငံနှင့် အိန္ဒိယနိုင်ငံကြား မကြာသေးမီက ဖြစ်ပွားခဲ့သော တိုက်ပွဲငယ်များနှင့် တိုက်ဆိုင်နေသည်။ ဇွန်လ အတွင်းက ဖြစ်ပွားခဲ့သည့် ပြင်းထန်သော ထိတွေ့မှုတခုတွင် အိန္ဒိယတပ်သား ၂၀ ခန့် သေဆုံးခဲ့ရသည်။ သူတို့ (အမေရိကန်နှင့် အိန္ဒိယ) သည် အိန္ဒိယနှင့် ပစိဖိတ်သမုဒ္ဒရာ ၂ ခုလုံးတွင် စာချုပ်မဟာမိတ်များဖြစ်သော ဂျပန်၊ သြစတြေးလျတို့နှင့် ပထဝီ အနေအထား အရ ကျယ်ပြန့်သော ပူးတွဲရေတပ်လှုပ်ရှားမှုများ မကြာခဏ ပြုလုပ်ခြင်းများ တိုးလာခြင်းနှင့်အတူ လက်တွဲထားကြသည့် အနေအထားသို့ ရောက်ရှိလာသည်။

ဆယ်စုနှစ် တခုကျော်အတွင်း ပထမဦးဆုံး အနေဖြင့် သြစတြေးလျနိုင်ငံက အိန္ဒိယ၏ နှစ်စဉ် ပြုလုပ်နေကျဖြစ်သော Malabar ရေတပ်လေ့ကျင့်မှုသို့ အမေရိကန်နှင့် ဂျပန် တို့နှင့်အတူ ပြန်လည်ပါဝင်ရန် ဖြစ်လာခြင်းက တရုတ်နိုင်ငံ၏ ဘက်ပြိုင်မှုများကြားတွင် စစ်ရေး ပူးပေါင်းဆောင်ရွက်မှု နက်ရှိုင်းလာခြင်း၏ နောက်ဆုံးနိမိတ်လက္ခဏာ ဖြစ်သည်။ အင်ဒိုပစိဖိတ်ဒေသတွင် “ဒီမိုကရေစီ လုံခြုံရေး စိန်ပွင့်” တခုကို တောင်းဆိုခဲ့သည့် ဂျပန် ဝန်ကြီးချုပ် Shinzo Abe သည် စိတ်တူသဘောတူ အင်အားကြီးနိုင်ငံများ၏ မဟာမိတ် အဖွဲ့သစ်တခု၏ အဓိက ဗိသုကာများထဲမှ တယောက်ဖြစ်သည်။ ၂၀၀၀ ခုနှစ်များ အလယ်ပိုင်းမှစ၍ Shinzo Abe က အိန္ဒိယနှင့် အမေရိကန်- ဂျပန်-သြစတြေးလျ ၃ နိုင်ငံ မဟာမိတ်အကြား ပိုမိုကျယ်ပြန့်သည့် မဟာဗျူဟာမြောက် ပူးပေါင်းဆောင်ရွက်မှု အတွက် တက်ကြွစွာ တွန်းအားပေးနေခဲ့သည်။

၂၀၀၇ ခုနှစ်တွင် ပြောဆိုဆွေးနွေးမှုတခုအဖြစ် ပထမဆုံးအကြိမ် အဆိုပြုခဲ့သည့် ၄ ပွင့်ဆိုင်သည် အခက်အခဲများနှင့် နှစ်ပေါင်းများစွာ ကြုံတွေ့ခဲ့ရသည်။ တရုတ်နိုင်ငံနှင့် တည်ငြိမ်သော ဆက်ဆံရေးနှင့် အရေးကြီးသော ကုန်သွယ်ရေးကို ထိန်းသိမ်းရန် ရည်ရွယ်ချက်ရှိသော အိန္ဒိယ၊ သြစတြေးလျတို့က တရုတ်ဆန့်ကျင်ရေးမှန်းသိသာ သည့် မဟာမိတ်အဖွဲ့ တခုတွင် ပါဝင်ရန် ယခုအချိန်အထိ တွန့်ဆုတ်နေခဲ့ကြသည်။ အလားတူပင် အမေရိကန်အစိုးရများကလည်း အရှေ့အလယ်ပိုင်းနှင့် အာဖဂန်နစ်စတန်တွင် အကြမ်းဖက်မှု တိုက်ဖျက်ရေးကို ပိုမိုအာရုံစိုက်ခဲ့ကြပြီး Barack Obama အစိုးရက အာရှမှ မဟာဗျူဟာမြောက် အရင်းအမြစ်များ၏ အဓိကကျမှုကို ပြောဆိုခဲ့ကြသည့်တိုင် တရုတ်နိုင်ငံနှင့် ထိတွေ့ဆက်ဆံမှု ပြုလုပ်သည့် မဟာဗျူဟာကို အဓိကထား ဆောင်ရွက်နေဆဲ ဖြစ်သည်။

သို့သော် အိန္ဒိယ၊ သြစတြေးလျနှင့် အမေရိကန်တို့တွင် ပိုမို၍ ရှေးရိုးစွဲဆန်သည့် ခေါင်းဆောင်များ တက်လာခြင်းက မကြာသေးမီလများအတွင်း တရုတ်နှင့် ပထဝီနိုင်ငံရေး တင်းမာမှုများ ပိုမိုနက်ရှိုင်းလာခြင်းနှင့် အတူ ၄ နိုင်ငံကို ပို၍ မဟာဗျူဟာမြောက် အလားအလာရှိသော ဘဝသစ်ကို ရောက်ရှိစေခဲ့သည်။

ပို၍ သတိကြီးစွာထားခဲ့သော ယခင်အစိုးရများနှင့် မတူဘဲ Donald Trump အစိုးရက ၄ ပွင့်ဆိုင် မဟာမိတ်အဖွဲ့အား တရုတ်ကို ဆန့်ကျင်သော မြေကတုတ်အဖြစ် အပြည့်အဝ လက်ခံခဲ့သည်။ မကြာသေးမီက အမေရိကန်က ဒီမိုကရေစီနှင့် အာဏာရှင်များကြား ခြားနားပေးမည့် စစ်အေး ခေတ်သစ်တခုနှင့် ပတ်သက်သော အယူအဆကို ပြောဆိုခဲ့သည်။ ဒီမိုကရေစီ ဆိုသည်မှာ ၄ ပွင့်ဆိုင် မဟာမိတ် အဖွဲ့အား ဆိုလိုခြင်း ဖြစ်ပြီး အာဏာရှင်ဆိုသည်မှာ တရုတ်နိုင်ငံကို ရည်ရွယ်ခြင်း ဖြစ်သည်။

ဇူလိုင် ၂၄ ရက်နေ့က အမေရိကန်-အိန္ဒိယစီးပွားရေးကောင်စီ၏ India Ideas ထိပ်သီးအစည်းအဝေး၌ အမေရိကန် နိုင်ငံခြားရေး ဝန်ကြီး Mike Pompeo က လေးပွင့်ဆိုင် မဟာမိတ် အဖွဲ့ ပြန်လည်ရှင်သန်လာကြောင်းနှင့် တိုးတက်ပွင့်လန်း လာသော အိန္ဒိယနိုင်ငံနှင့် မိတ်ဖက်ပြုမှုတွင် သူ၏ နိုင်ငံက “ရည်မှန်းချက်ကြီးမားသော ခေတ်သစ်တခု” ကို လိုလားကြောင်း ကြေညာခဲ့သည်။

“ကျနော်တို့က နိုင်ငံ ဆက်ဆံရေး အခြေခံပေါ်မှာပဲ အပြန်အလှန်ဆက်ဆံတာ မဟုတ်ပါဘူး။ ကျနော်တို့တွေဟာ ကြီးကျယ်တဲ့ ဒီမိုကရေစီနိုင်ငံတွေ၊ ကမ္ဘာ့ အင်အားကြီးနိုင်ငံတွေ၊ တကယ်ကို ကောင်းမွန်တဲ့ မိတ်ဆွေတွေ ဆိုတာကို ကျနော်တို့ တဦးနဲ့ တဦး အပြန်အလှန် မြင်တွေ့နေရပါတယ်။ အိန္ဒိယနိုင်ငံဟာ ယုံကြည် စိတ်ချ ရတဲ့၊ တိုက်ကြီးများဆိုင်ရာ ပြဿနာတွေ အတွက် အကြံဉာဏ်နဲ့ ပူးပေါင်းဆောင်ရွက်မှု တွေ ကျနော် ပုံမှန်တောင်းဆိုရတဲ့ ခေါင်းဆောင်တွေနဲ့ စိတ်တူသဘောတူရှိတဲ့ နိုင်ငံ အနည်းငယ် အနက်တခု အပါအဝင် ဖြစ်ပါတယ်” ဟု Mike Pompeo က အွန်လိုင်း မှ တဆင့် ပြုလုပ်သည့် အဆိုပါ အခမ်းအနားတွင် ပြောကြားခဲ့သည်။“ကျနော်တို့ရဲ့ ဆက်ဆံရေးက ပိုမိုပြီးတော့ အားကောင်းလာပြီလို့ ကျနော် ယုံကြည်ပါတယ်။ အရင်ကထက်ပိုပြီး ခံနိုင်ရည်ရှိစွာ၊ ဆန်းသစ်စွာနဲ့ အခု လက်ရှိ စိန်ခေါ်မှုကနေ ပေါ်ထွက်လာကြပါစို့။ ကမ္ဘာ့အကြီးဆုံး ဒီမိုကရေစီ ၂ ခုကြားက ပူးပေါင်းဆောင်ရွက်မှု ပိုမို နက်ရှိုင်းစေဖို့ အခိုက်အတန့်ကို အမိအရ ယူကြပါစို့” ဟု သူက ထပ်ပြောသည်။

ဟိမဝန္တာတွင် လူ အသေအပျောက်ရှိသော ပဋိပက္ခများ ဖြစ်ပွားပြီးနောက် အိန္ဒိယတွင် တရုတ်ဆန့်ကျင်ရေးစိတ်ဓာတ်များ တိုးပွားလာမှုကို အမိအရ အခွင့်ကောင်းယူ၍ Mike Pompeo က တရုတ်နိုင်ငံကို ဆန့်ကျင်သော၊ စီးပွားရေးအရ သီးခြား ဖြစ်သော မဟာမိတ်အဖွဲ့တခု ဖွဲ့စည်းရန် တောင်းဆိုခဲ့သည်။