ရုံးပတီသီး အစိမ်းကို အတို့လုပ်စားတတ်ရင် ဆားရည်ဖြင့် နာရီဝက်ခန့် စိမ်ပြီးမှစားသင့်

Posted on

ကျွန်တော် ရွာရောက်တော့ ရုံးပတီသီး စိုက်သည့် တောင်သူ တစ်ဦးမှ ပြောပြသဖြင့် ထပ်ဆင့်မျှဝေခြင်းဖြစ်ပါသည်။ရုံးပတီသီး ကို အစိမ်းတို့စားရတာ ကြိုက်သည်ဆိုက ရုံးပတီသီး ကို ဆားရည်ဖြင့် နာရီဝက်ခန့် စိမ်ပြီးမှ စားပါရန် အကြံပေးပါသည်။

ရုံးပတီသီး ကြိုက်သော ပိုးမွှား များတွင် လှေးပိုးသည် နှိမ်နင်းရန် အခက်ခဲဆုံးပိုးဖြစ်၏၊ အပင်ကို ဖျက်ဆီးသော ထိုပိုးသည် အကောင်မမြင်ရ၊ ဆေးမျိုးစုံ သုံးသော်လည်း ထိုပိုးကို မနိုင်။ထို့ကြောင့် စိုက်ပျိုးရေးဝန်ကြီးဌာနက တားမြစ်ထားသော အန္ဒိယ မှလာသည့် ဆေး တစ်မျိုးကို သုံးကြ၏၊ ထို ဆေး ကို သုံးမှရုံးပတီပင်ကို ဖျက်ဆီးသော လှေးပိုးကိုနိုင်၏၊

အပင်သန်၏၊ အသီးလှ၏၊ သို့သော် ထို ဆေး ၏ အာနိသင်ကား အလွန်ပြင်းထန်လှ၏၊ ဆေးသုံးစွဲသဖြင့် သေသော ပိုးကောင်ကို ငှက်စားက ငှက်သေ၏၊ထိုသေသော ငှက် ကို ခွေးကစားမိပြန်က ခွေးသေ၏။ ထိုဆေးအာနိသင်ကား ပိုးကောင်လည်းသေ၊ ပိုးကောင်သေစားသော ငှက် လည်းသေ၊ ငှက် သေစားသော ခွေးလည်းသေသဖြင့် သုံးဆင့်ခန့် အာနိသင်ပြင်းထန်၏။

ထိုကဲ့သို့ အာနိသင်ပြင်းထန်သော ဆေး ကို နိုင်ငံတော်က တားမြစ်ထားပြီး စိုက်ပျိုးရေး ပညာပေး ဟောပြောမှုတွေပြုလုပ်ပါသော်လည်း အရင်းမရှုံးလိုသော တောင်သူများက မှောင်ခိုဝင်လာလို့ ရလျှင်သုံးစွဲမည်သာ ဖြစ်၏။

ထိုအာနိသင်ပြင်းသော ဆေးကို ယနေ့ပက်ဖျန်းပြီး မနက်ဖြန် ရုံးပတီသီးခူးကာ မြို့တက်ရောင်းသည်လည်းရှိ၏။ ထို ရုံးပတီသီး ကို အစိမ်း စားသုံးမိပါက ဘေးထွက်ဆိုးကျိုးကို ခံရမည်ဖြစ်၏။

ထို့ကြောင့် ရုံးပတီသီး ကို အစိမ်းကြိုက်ပါက နာရီဝက်ခန့် ဆားရည်စိမ်စားသုံးပါရန် တောင်သူဦးကြီး တစ်ယောက်၏ ပြောပြချက်အား မျှဝေလိုက်ပါသည်။

Leave a Reply

Your email address will not be published. Required fields are marked *