ကွန်ပျူတာရှေ့မှာပဲ အချိန်ကုန်နေသူများ မျက်လုံးအညောင်းမိတာ ကိုက်ခဲတာကို သက်သာစေမည့်နည်းလမ်း

Posted on

တစ်နေ့တစ်နေ့ ကွန်ပျူတာရှေ့မှာပဲ အလုပ် တွေလုပ်ရင်းအချိန်ကုန် နေရတဲ့ သူတွေ အတွက်ကတော့ မျက်လုံးကျန်းမာရေးအတွက် စိတ်ပူစရာတွေတော့ရှိလာပါပြီ။ မျက်လုံးဆိုတာလူတစ်ယောက်အတွက် အရေးကြီးဆုံး အစိတ်အပိုင်းတစ်ခုဖြစ်တာကြောင့် မျက်စိကျန်းမာရေးကိုလည်း သေချာဂရုစိုက်ပေးနိုင်မှ အန္တရာယ်တွေမဖြစ်နိုင်မှာပေါ့။ အလုပ်ကနေပြန်လာပြီး အနားယူနေတဲ့အချိန်တွေမှာ မျက်လုံးကိုကျန်းမာရေးကောင်းအောင် ဘာတွေလုပ်ပေးသင့်ပြီလဲ။

မျက်စိကိုပိတ်လိုက်ဖွင့်လိုက်လုပ်ပေးပါ

မျက်လုံးကိုလေ့ကျင့်ခန်းလုပ်ပေးဖို့လည်း လိုအပ်တာပေါ့။ မျက်လုံးကိုသေချာမှိတ်ပြီး ပြန်ဖွင့်၊ ပြန်ပိတ်နဲ့ ၅ မိနစ်လောက်လေ့ကျင့်ခန်းလုပ်ပေးပါ။ ဒီလိုလေ့ကျင့်ခန်းလေးက မျက်လုံးညောင်းတာတွေကို သက်သာစေပြီး ကွန်ပျူတာတွေ၊ ဖုန်းတွေ အမြဲကြည့်နေတဲ့သူတွေအနေနဲ့ လုပ်ပေးသင့်တဲ့ မျက်လုံးလေ့ကျင့်ခန်းပဲဖြစ်ပါတယ်။

အအေးဝတ်လေးတင်ပေးပါ

အိမ်ပြန်ရောက်လို့အနားယူနေတဲ့အချိန်မှာ သင့်မျက်လုံးပေါ်ကို အေးတဲ့အဝတ်စလေးကိုတင်ထားပြီး အနားယူနေလိုက်ပါ။ တစ်နေ့တာလုံးပင်ပန်းခဲ့ရလို့ မျက်စိညောင်းညာမှုတွေကို သက်သာစေပြီး၊ မျက်စိယားယံမှုတွေကိုလည်း လျော့နည်းသွားစေမှာပဲဖြစ်ပါတယ်။

မျက်လုံးကိုနှိပ်နယ်ပေးပါ

မျက်လုံးပေါ်ကို သံလွင်ဆီကိုလိမ်းပေးပြီး မျက်ခွံနဲ့ မျက်ခုံးနားတစ်လျှောက်ကို နှိပ်နယ်ပေးမယ်ဆိုရင်တော့ မျက်လုံးညောင်းညာမှုတွေကို သက်သာလျော့နည်းစေမှာပဲဖြစ်ပါတယ်။ တစ်နေ့ကို နှစ်ကြိမ်လောက်ပုံမှန်လုပ်ပေးရင် မျက်လုံးထိခိုက်မှုတွေကနေလည်း လျော့နည်းစေမှာပဲဖြစ်ပါတယ်။

မျက်လုံးအားဆေး

ကွန်ပျူတာနေ့တိုင်းအသုံးပြုနေရတဲ့သူတစ်ယောက်အတွက် မျက်လုံးကောင်းမွန်အောင် ဆရာဝန်ညွန်ကြားတဲ့ မျက်စိအားဆေးတွေကို သောက်သုံးပေးမှလည်း သက်သာစေမှာပဲဖြစ်ပါတယ်။ ကျွမ်းကျင်တဲ့ဆရာဝန်တွေနဲ့လည်း တစ်နှစ်တစ်ခါလောက်သွားပြီး မျက်စိစမ်းသပ်တာမျိုးတွေ လုပ်ဖို့တကယ်ကိုလိုအပ်ပါတယ်နော်။

မျက်စိဆိုတာ တစ်ကိုယ်လုံးမှာ အရေးကြီးဆုံးသောအစိတ်အပိုင်းတစ်ခုပါနော်။ မျက်လုံးမကောင်းရင် စိတ်သွားတိုင်းကိုယ်က ကောင်းကောင်းမလိုက်နိုင်တော့ပဲ စိတ်ပင်ပန်းစရာကောင်းတဲ့ ဘဝမျိုးကိုပဲပိုင်ဆိုင်လာရတော့မှာပေါ့။ ဒါကြောင့် နေ့တိုင်းဒီလိုနည်းလမ်းလေးတွေနဲ့ မျက်လုံးကိုပြန်ပြီးတော့ အနားယူစေမယ်ဆိုရင်တော့ ကောင်းမွန်တဲ့ရလဒ်တွေပဲရရှိလာမှာဖြစ်ပါတယ်။

Leave a Reply

Your email address will not be published. Required fields are marked *